忠記咖啡屋‧私房菜 (已結業)

餐廳喺銅鑼灣渣甸坊嘅其中一座食廈裏面，等𨋢可能要耐啲，但係因為餐廳係一樓，行樓梯仲快d。餐廳嘅裝修好平，就好似平時食開嘅茶餐廳咁樣，啲菜式同埋價錢都好親民。酥炸美國桶蠔$168成晚最豪就係食呢個炸蠔，一刻有六件，五村非常抵，但係啲蠔都幾大隻，即叫即炸，外面嘅炸皮炸得非常香脆，裏面嘅蠔熱辣辣，火候啱啱好，成隻脹卜卜。咖喱薯仔牛腩煲$75呢個份量好多，咖喱落咗好多咖喱粉，好夠味，質地係結結地嗰一隻，送飯好惹味。另外就係牛腩都有好多件，特別鍾意佢瘦肉同牛筋分開，因為我本身鍾意食牛腩肉，唔鍾意食牛筋，牛筋留返俾朋友食就唔會嘥野，牛腩炆得好琳，好入味。啲薯仔炆到連個心都好似食咗咖喱味咁。冬菇時蔬扒豆腐$68炸豆腐好大嚿好滑，冬菇都好大粒，煮得好琳，又夠味，成個餸都好健康。簡簡單單，兩個人食咗300幾。