漁之部屋 (已結業)

經過呢間舖頭好多次，都畀佢外面嘅餐牌吸引，主要都係留意到佢嘅放題。始終個肚都係食唔到咁多嘢，所以今次嘅晚餐唔係食放題， 而係散叫。 收銀嗰位職員(可能係老闆)喺入門口之前招呼唔錯，亦好有禮貌地介紹餐廳食物；反而是應態度就一般，可能人手唔夠而且經驗尚淺。點食物只需要用手機scan QR code落單，本身方便又快捷，但係居然都有幾多圖片係睇唔到，感覺有點一般。 餐廳衛生環境一般，普通一間繁忙茶餐廳嘅感覺。「日式叉燒炒烏冬」HKD78呢段日式炒烏冬反而成為成個晚餐嘅最大驚喜，因為份量夠大味道亦唔差，食得出同埋睇得到佢係用切碎咗嘅日式叉燒去炒，保留咗日式叉燒嘅味道喺裏面。「金箔香蔥拖羅飯定食」HKD80真係有一啲金箔點綴， 普普通通一個香蔥拖羅飯，分量一般。「極上刺身盛」HKD102裏面有鮭魚 、拖羅、油甘魚、松葉蟹腳、帶子、甜蝦、大赤蝦、海膽、鮭魚籽，再配個冷麵， 咁嘅價錢確實有點驚喜，刺身尚算新鮮。