影片
更多
2022-07-27
2578 瀏覽
這間剛遷往灣仔三湘大廈嘅「疊囍居」酒樓，據其掌櫃陳年(年叔)解釋，其命名也有一個鮮為人知的故事：由于食肆最緊要係客似雲來，要好多把口幫襯，故「疊囍居」取名係用上大量嘅「口」字(共有九十二個口字)，好有意思。位於三樓嘅餐廳既有十多間不同大小的廂房，也有一個以彷古大宅的柱樑作天花装飾嘅大廳，此廳可同時延開六席，以滿足不同客人嘅需要。餐廳除陳設着罕有嘅天九魚翅及超巨形龍躉皮，還有一尾已經飼養超過30年，愛跟行近貴客打招呼的靈氣風水魚，如此用心既佈置，除了提供一個優雅舒適嘅用饍環境，更突顯其獨特氣派！細看「疊囍居」嘅餐牌，它同時提供多達七十八種鹹甜環球美點，以及近三十種湯羹小菜 ; 以其媲美中環超五星「春夏秋冬」酒店米芝蓮星級中菜廳「隆境軒 」嘅天價食物質素，大部份美點都竟然只不過六七拾元有交易，實在「親民」抵食😋！今次掌櫃(年叔)推薦我哋用佢地啱啱新出既套餐，分別係「海龍皇套餐」、「魚翅飯套餐」以及一系列的充滿創意的懷舊及環球美點。令人驚喜的香橙伊朗魚子醬法國鵝肝慕絲：據負責人楊先生指出，伊朗魚子醬乃世界級美食，實乃黑黃金！以一個一磅裝曲奇罐盛載著的的伊朗魚子醬，其售價接近三十萬港元，而此道
位於三樓嘅餐廳既有十多間不同大小的廂房，也有一個以彷古大宅的柱樑作天花装飾嘅大廳，此廳可同時延開六席，以滿足不同客人嘅需要。
餐廳除陳設着罕有嘅天九魚翅及超巨形龍躉皮，還有一尾已經飼養超過30年，愛跟行近貴客打招呼的靈氣風水魚，如此用心既佈置，除了提供一個優雅舒適嘅用饍環境，更突顯其獨特氣派！
細看「疊囍居」嘅餐牌，它同時提供多達七十八種鹹甜環球美點，以及近三十種湯羹小菜 ; 以其媲美中環超五星「春夏秋冬」酒店米芝蓮星級中菜廳「隆境軒 」嘅天價食物質素，大部份美點都竟然只不過六七拾元有交易，實在「親民」抵食😋！
今次掌櫃(年叔)推薦我哋用佢地啱啱新出既套餐，分別係「海龍皇套餐」、「魚翅飯套餐」以及一系列的充滿創意的懷舊及環球美點。
令人驚喜的香橙伊朗魚子醬法國鵝肝慕絲：據負責人楊先生指出，伊朗魚子醬乃世界級美食，實乃黑黃金！
以一個一磅裝曲奇罐盛載著的的伊朗魚子醬，其售價接近三十萬港元，而此道點心竟然用上此天價魚子醬作材料！😳
此魚子醬入口仍有海水味，有少少鹹，之後仲有回甘味添。鵝肝打成鵝肝醬慕司，入口creamy，好味。😍😍😍
現在要嘗此人間美食竟然包括在HK$660(兩位)的星級午市套餐，足以令大家明白到什麼叫做「不惜工本」去為各位提供美食的苦心！
海鮮蟹酥
酥面有芝士，入面還有鮮磨菇、生拆蟹肉以及鮮蝦……等等。酥皮係自家製，入口非常酥脆，口感一流。必食之選😋
釀焗蟹蓋
蟹蓋用料十足，每一件用上超過一隻蟹生拆肉，鮮甜無比，跟一般用上大量忌廉釀焗的蟹蓋完全不一樣，吃起來比吃一隻蟹更加滿足！不容錯過的美食😋😋😋
五柳炸雲吞
雲吞好香脆，蝦肉非常足料，有蝦既鮮味，質感彈牙。外皮唔會太厚，炸得好香脆，但一點也不油膩。由於工序繁複，現今已經很難有茶樓肯提供此傳統點心！😍
菠蘿叉燒包嘅餡料竟然有菠蘿？🤗
菠蘿叉燒包唔少酒樓都有，但層皮做到咗鬆脆既就真係唔係間間都做到。菠蘿皮入口鬆化，叉燒醬唔會太甜，餡料的叉燒好有口感更內含有一粒令人驚喜的波羅。😍
切肉浦魚燒賣
豬肉係用人手切，同出面用搞拌機整出黎既口感差好遠，依個入口好彈牙爽口，仲有肉汁添。必食之選😍😍😍
(檸檬葉絲)脆炸蝦多士
炸蝦既蝦肉好飽滿，充滿曬成個多士，上面仲加左頭髮絲般幼的檸檬葉，入口清新。多士炸得好香脆，唔會炸得油膩。不吃肯定是閣下的損失！😍
鮑汁柚皮
依個絕對係手工菜，師傅話淨係要啤水啤兩日，再用鮑汁反覆煨，煮得非常入味，入口柔軟，配上個汁嚟食真係好正。經典美食之選👍👍👍
黑松露野菌餃
外皮晶凝通透，黑松露既味道好突出，入面仲有唔少菇菌類。誠意推介此健康美食🥰
吃罷以上令人讚嘆的點心，接下來便開始吃主食
酥皮龍蝦湯
酥皮有牛油香，龍蝦湯味道清新，入面仲有唔少蝦肉，每粒都好彈牙。與於一般西餐廳提供的龍蝦湯實在有天淵之別😀
腿茸雪燕雞茸羹
依個湯既雞肉香味好濃郁，入口味道好清新，蟹肉既蟹香味亦都特出，非常好飲😋
鮑汁唐生菜
鮑汁用左高湯去熬製，配以雲南火腿，好入味，菜亦都係嚴選最嫩滑既部分，入口完全無渣。😀
蒜蓉粉絲蒸油班片
每日新鮮拎貨，班片好厚肉，有魚香味，配上上面既蒜蓉，好惹味。下面仲有粉絲，粉絲好彈牙，配上豉油，好入味。🤗
金腿魚翅撈飯
金腿魚翅好足料，入口有非常彈牙，鮑汁調得好鮮味，飯唔係普通既飯，係用上脆米，入口好香脆，好好味。😍
黑松露蘭度牛油果蛋蛋白脆米炒飯
創意清新健康主食，中菜以牛油果入饌並且煮得美味實在難得！配以脆米，入口清新爽脆，也是必食之選🤗
套餐包的兩道甜品也很精緻：
豆沙蘋葉角
此乃順德馳名小吃，蘋葉既香味好濃郁，外皮好薄，但好有彈性，入口唔會痴牙。入面既豆沙唔會太甜，入口好幼滑。😍
香煎蔗汁馬蹄糕
每件入面既手切馬蹄好大粒，有別於市面用砂糖作為調味，疊囍居用上蔗汁黎製作，入口好清甜，唔會太濃味。😋
整體嚟講，今餐嘅食物好有特色，全部都選用揀手嘅新鮮食材，把食物應有的味道原原本本帶出來！相比起喺皇悅酒店舊舖所提供嘅食物，又跨進了一步🤗
而部分菜式及點心已經唔係咁易有得食，食物質素亦都好高，食得出用咗好多心機整，懷舊菜式處理得令人好驚喜！
真是令人回味無窮的一餐！👏👏👏
❤️後記❤️
吃罷這一餐，滿腦子的疑問，為何這間酒樓的出品能夠媲美中環一間五星級「春夏秋冬」酒店的米芝蓮星級中菜廳的出品，透過酒樓負責人楊先生的引薦，謎底終於解開了！
原來他的顧問總廚是曾獻藝接待已故國家領導人鄧小平先生、英國皇室戴安娜王妃、英女皇及皇太后、香港鄧肇堅爵士、以及曾擔任港督戴麟趾爵士及麥理浩爵士的御廚鄺炳均先生及其得意門生家琪兄，另外有米芝蓮星級廚師雄哥等六位名廚用心炮製，每一位都醉心於鑽研美食，難怪可以用近乎一半價錢出品媲美中環酒店中菜廳的天價美食！
張貼
