影片
更多
2021-06-06
213 瀏覽
有冇諗過飲中茶食點心都可以同英式三層架下午茶聯想埋一齊？當知道點一龍有得食下午茶點心三層架，立即就約好姐妹黎high tea☕除左點心三層架上點心，每人仲有得揀一客原隻鮑魚雞粥或者鮮蝦雲吞麵，我地兩個都揀鮑魚雞粥，鮑魚唔算大隻不過煮得夠軟，但估唔到佢個雞粥味道好鮮味，仲食到有好多粒香滑雞肉，粥身都煮得好綿，食到底都唔會變得水稀稀，真係好少遇到咁高水準嘅粥。食完粥就開始逐層進攻點心！最底層係蒸點心，有晶瑩海蝦餃、杞子鮮蝦燒賣、幸運小水母、蟹子小籠包。蝦餃燒賣味道唔錯，蝦肉夠爽口彈牙，蟹子小籠包超多湯汁好好食。最可愛嘅幸運小水母係南瓜味，外皮入面係蒸魷魚同蝦，鍾意食蝦嘅一定好滿足，四籠點心有三款都蝦🦐🦐🦐中層係香脆點心，有海蝦長春卷、苦盡甘來(涼瓜牛肉酥)、金黃素鍋貼、蓮香惜玉煎包子。春卷外皮夠脆，鍋貼同煎包子煎得唔算好燶，比較健康。涼瓜牛肉酥雖然外型無苦瓜，但其實係好香嘅綠茶外層，中間係夾住香酥嘅牛肉同唔太苦嘅涼瓜，係一道造型精緻又味道層次豐富嘅中式點心。上層係甜點心，有斑蘭馬拉糕、果仁腰果酥、紅棗小魚子、芝麻小卷。食到最頂層，到我最鍾意嘅甜點，果仁腰果酥好適合一邊飲茶一邊傾計慢慢食，芝
除左點心三層架上點心，每人仲有得揀一客原隻鮑魚雞粥或者鮮蝦雲吞麵，我地兩個都揀鮑魚雞粥，鮑魚唔算大隻不過煮得夠軟，但估唔到佢個雞粥味道好鮮味，仲食到有好多粒香滑雞肉，粥身都煮得好綿，食到底都唔會變得水稀稀，真係好少遇到咁高水準嘅粥。
食完粥就開始逐層進攻點心！
最底層係蒸點心，有晶瑩海蝦餃、杞子鮮蝦燒賣、幸運小水母、蟹子小籠包。蝦餃燒賣味道唔錯，蝦肉夠爽口彈牙，蟹子小籠包超多湯汁好好食。
最可愛嘅幸運小水母係南瓜味，外皮入面係蒸魷魚同蝦，鍾意食蝦嘅一定好滿足，四籠點心有三款都蝦🦐🦐🦐
中層係香脆點心，有海蝦長春卷、苦盡甘來(涼瓜牛肉酥)、金黃素鍋貼、蓮香惜玉煎包子。春卷外皮夠脆，鍋貼同煎包子煎得唔算好燶，比較健康。
涼瓜牛肉酥雖然外型無苦瓜，但其實係好香嘅綠茶外層，中間係夾住香酥嘅牛肉同唔太苦嘅涼瓜，係一道造型精緻又味道層次豐富嘅中式點心。
上層係甜點心，有斑蘭馬拉糕、果仁腰果酥、紅棗小魚子、芝麻小卷。食到最頂層，到我最鍾意嘅甜點，果仁腰果酥好適合一邊飲茶一邊傾計慢慢食，芝麻卷夠軟身，斑蘭馬拉糕有好香斑蘭味，馬拉糕質感夠鬆軟。
最高評價係紅棗小魚子，精繳小巧嘅造型已經滿分，入口係非常濃陏嘅紅棗味，而且甜度控制得好好。
整個tea set每位只係$128就可以試到咁多款唔同造形又高水準嘅點心，絕對會再約朋友黎呀。
張貼
