樸生•素食 (已結業)

因為家人呢排愛上咗食素食養生，所以我哋間唔中都會 覓尋下唔同嘅素食，今日我地就去左附近青衣城嘅樸生茹素一下😌餐廳係以半自助餐形式，一入到去店員會先畀你揀咗主食先，而餐廳分界咗2個area，中間有個自助吧，可以DIY紫菜拌飯、韓式年糕，仲有沙律同甜品~食物選擇都算幾多元化👏🏻主食我地嗌左素芝士漢堡、素菜芝士白靈菇扒同素芝士荷蘭大蘑菇鐵鍋飯。 份量估唔到都幾大份，而且味道都唔錯，調味得當，感覺一啲都唔似食緊素食，我哋一家食完都已經有七八成飽😂不過都係堅持要試下出面唔同嘅韓式素食😎沙律菜都幾新鮮~食落清甜爽脆！而且仲有一啲特色嘅蔬菜同前菜，好似青瓜香蕉、 南瓜同紫薯沙律等~韓式部隊鍋就成日食，素菜嘅韓式部隊鍋又真係未試過！😂 年糕煙韌有咬口， 素腸仔同素餐肉雖然應該係用大豆做，但味道同口感都好似食緊肉製咁~ 加上個湯甜甜辣辣，食落好有韓式感覺👍🏻甜品嘅豆腐花食得幾滑，而且可以配搭唔同嘅配料， 桃膠、鮮榨薑汁、亞麻籽、奇亞籽、芝麻汁，選擇多，而且全部都好健康呀！😍價錢加一後大約係170蚊左右一個人，以食物嘅選擇黎講，算係合理價錢， 食厭左平時嘅中式素食，不妨試下呢個新派嘅韓式素食都唔錯！