雄記美食

營業中

休息中

雄記美食，久仰大名，但係因為營業時間短（甚至飄忽😂），所以一直冇機會試。月頭要去灣仔搞文件，搞完搵嘢食，第一時間就自然諗起呢度。去到門口見到條人龍，猶豫咗兩秒，最後都係決定排，因為如果唔堅持，唔知幾時再有機會食。好彩唔使等好耐就有位。一睇 menu，二話不說就叫咗咖哩牛腩撈通再加支腐竹糖水。咖哩汁香濃，揀咗少辣，剛剛好，牛腩切成細細粒，容易掛汁，配又係容易掛汁嘅坑紋通粉食，滋味非常。腐竹糖水支裝上，幾特別，唔太甜，腐竹味都算濃，好飲。意猶未盡，想叫多份雞蛋煎蝦米腸粉，點知阿姐話冇得加單，可想而知呢度嘅客人流轉速率有幾快。唯有希望下次再嚟。