影片
更多
2019-03-04
463 瀏覽
去旅行前決定食餐泰國野，揀左屯門嘅象泰宴，番屋企都夠哂近。平日特別抵食，因為佢地7點半前埋單有折，仲要唔洗加一，人均百零蚊，已經叫到好多款野食。同區來講，我覺得佢質素最穩定，地方舒服唔逼，可以用信用卡，態度亦都比較好。menu好多野揀，因為朋友遲到，所以我地就睇住先，其實已經心有所選，揀左一個飯、沙律、菜、海鮮，然後等佢來到，俾佢揀多樣，佢都好掙扎，款款都想試，最終點左豬肋骨，串燒就真係食唔落了。呢度D野價錢格理，唔會好貴，所以可以mark入再訪嘅餐廳。等佢差唔到多我地就落單，變左佢一坐低就開始食得。店員送左客蝦片，又幾脆口喎。點左去骨海南雞配油飯，呢個抵食呀，三至四人都夠，佢跟一個油飯，油飯雖然唔算好香，但飯粒分明，又幾煙韌，都唔錯。至於海南雞，因為見幾多人推介，點左半隻，份量都幾多，雞皮晶瑩，雞肉夠滑。去左骨，所以食得好立便，啖啖肉呀雞肉下面仲有幾條菜心墊底。金柚子蝦沙律出乎意料好食，平時我就唔多食柚，又怕酸又怕澀。呢個好甜好香，完全同我想像唔同，好清清，食唔停口。蝦肉都好爽，夠新鮮辣椒膏炒花甲係我最愛，超大隻，值得點！蜆肉漲卜卜，完全無沙，無異味，加埋好惹味嘅辣椒膏，馬拉盞炒芥蘭
menu好多野揀，因為朋友遲到，所以我地就睇住先，其實已經心有所選，揀左一個飯、沙律、菜、海鮮，然後等佢來到，俾佢揀多樣，佢都好掙扎，款款都想試，最終點左豬肋骨，串燒就真係食唔落了。呢度D野價錢格理，唔會好貴，所以可以mark入再訪嘅餐廳。
等佢差唔到多我地就落單，變左佢一坐低就開始食得。店員送左客蝦片，又幾脆口喎。
點左去骨海南雞配油飯，呢個抵食呀，三至四人都夠，佢跟一個油飯，油飯雖然唔算好香，但飯粒分明，又幾煙韌，都唔錯。至於海南雞，因為見幾多人推介，點左半隻，份量都幾多，雞皮晶瑩，雞肉夠滑。去左骨，所以食得好立便，啖啖肉呀
雞肉下面仲有幾條菜心墊底。
金柚子蝦沙律出乎意料好食，平時我就唔多食柚，又怕酸又怕澀。呢個好甜好香，完全同我想像唔同，好清清，食唔停口。
蝦肉都好爽，夠新鮮
辣椒膏炒花甲係我最愛，超大隻，值得點！蜆肉漲卜卜，完全無沙，無異味，加埋好惹味嘅辣椒膏，
馬拉盞炒芥蘭唔錯呢，鐘意呢度用芥蘭苗，炒起來又香口又嫩，唔會好粗，又入味！
最後一客三味燒豬肋骨，肉質好軟腍，完全唔老，亦都唔會sip牙，醬汁好似古嚕肉咁，幾得意。
張貼
