川粤時空時尚小廚

營業中

休息中

呢間係工業大廢既川菜餐廳有好多唔同款既菜式，可以慢慢試，食晒想食既菜式呀！涼拌青瓜⭐️呢個都係辣辣地既，用佐辣椒碎去撈啲青瓜，有啲麻辣，青瓜口感就好爽脆，加埋啲蒜蓉香蔥，凍凍地又幾好食！麻辣夫妻肺片🔥呢個份量都算多，有牛肚，牛舌薄片，牛柏葉呢啲，全部都吸收晒啲辣味，好入味，啲辣油好香，又有啲青瓜絲係底，加埋啲芝麻，好惹味好香口！剁椒蒸魚頭💥魚頭好大個，蒸得好滑，魚面珠肉好嫩呀，用佐花椒辣椒去蒸，辣油有爆香過再最後淋落魚頭，味道更濃呀！川味紅燒肉☄️啲排骨係有炸過既，炸完好香脆，再同香蔥紅椒青椒一齊加埋辣油去炒香，每一舊都充滿辣味，啲排骨又幾腍，口感幾好！食到辣辣地就一定要飲呢個青蘋果梳打解辣，酸酸地，又有啲汽，飲完勁舒服呀！