天天素食

營業中

休息中

今日買左一盒羅漢齋、齋滷味返屋企加餸。阿姐雖然態度好一般, 但手腳好快, 仲會問我羅漢齋需唔需要加熱同埋要唔要筷子。齋滷味有分大中細, 我要左盒細, 可以揀三款, 揀左齋鴨腎、甜酸齋同豉油齋。講返食物。齋滷味 (圖左$20)無咁濃味甜酸齋: 甜酸適中, 顏色算係無咁似螢光色, 感覺上人造色素比出面買到既甜酸齋較少豉油齋: 少少咸, 無乜特別齋鴨腎: 表面醬汁甜甜地, 食落好似有d 五香粉之類既香料味, 亦夠煙韌羅漢齋 (圖右$35): 有紅蘿蔔、紹菜、雪耳、雲耳、冬菇、豆卜、腐竹等等, 有d 素蠔油味, 味道比較咸, 比較適合撈飯食!食物質素算唔錯。