肉搏食堂 (已結業)

尖沙咀厚福街從來就是出名的美食天堂,有大量的小店可以品嚐不同的美食, 今日收工後去了這家叫meat fight,專賣特色丼飯的舗頭,餐廳的裝修簡約光猛,乾淨企理。分高枱座位及卡位,主要是以四人枱為主, 十分適合三兩知已共聚聯誼。慢煮牛肉飯牛肉份量多,完全鋪滿整個碟面,慢煮到成粉紅色,肉質夠腍,再加入生雞蛋及特制醬汁,配合一起不單唔會令到有太濃味的感覺,反而進一步帶出牛肉片的鮮甜味。慢煮黑豚盛丼菜牌中其中一種主打菜式, 嫩滑的黑豚肉切得薄身,份量很足,鋪滿整個碟面,再在飯面加入了生雞蛋,忌廉及胡麻醬, 豬肉片唔會肥,吃落完全唔會鞋,芝士豚肉雞翼把豬肉釀進去雞中翼內, 熱辣辣將脹卜卜,一口咬落去好香肉味唔會韌同埋鞋, 冇骨又啖啖肉, 十分滿足。朱古力曲奇沙冰用上了特別造型的杯子奉上,得意有趣,打卡一流,頂層忌廉香滑,朱古力甜度適中。熱紫薯鮮奶真材實料, 完全飲到大量的紫薯肉,牛奶香滑,值得一試。