Steak Bar (已結業)

登龍街成條食街咩都食，中西泰日台樣樣有，今次同朋友由街頭行到街尾，決定食 #Streakbar ，有唔同類型嘅牛扒餐，不過見到有二人餐 $399就唔諗即揀，有兩款牛主食、一款小食、兩杯飲品。石燒牛舌拼薄切牛雙重滿足可以食到兩款牛，最特別係可以自己燒，控制個生熟度，牛舌燒到爽身，薄切牛輕輕一燒就食得，考驗大家「廚藝」，附有蒜片、鹽、燒汁畀你沾。另外套餐跟一碗飯同沙律，唔驚唔夠飽。頂級板腱牛扒呢款就由廚房炮製，店員推介五成熟，溫提食完想再熟少少可以石燒，牛味濃郁、軟腍，而且厚度夠增加口感，都有配飯同沙律。BBQ風味雞翼一客5件雞中翼，醬汁甜甜地，可以一試。蜜桃梳打、柚子梳打夏天真係不得不飲凍飲，記得攪勻先飲。