大和豚総本店 (已結業)

同男朋友喺旺角行完街，就梗係要搵返個好地方撐枱腳啦~呢個商場入面餐廳選擇唔少，但就好多都要大排長龍，盪盪下見到呢間唔洗等，心諗一係d野食比較貴、一係就係d野食比較差，後來發現係前者，咁即管豪一次半次囉~我地被安排左喺一個幾自成一角既卡位，不受騷擾，唔錯唔錯~！食物方面梗係要試佢地既招牌豚肉啦，店員放好晒d餐具、前菜同食物後，將長枱即時full咗~店員同我地講解左點樣燒後，男友就開始細心燒肉畀我食，兩口子好似自己喺度玩煮飯仔咁，幾開心~食物質素唔錯，d豚肉都好好嚼口，夾生菜食好好味又減去肥膩，食多幾件都唔怕~我覺得以呢個價錢，可以兩口子好好enjoy用餐時間同空間，算係超值~