佳寧娜潮州菜

營業中

休息中

星期日朝早11點幾去到，好少人，大把位。有特價點心、細細碟小菜同糖水，全部$12。雖然選擇唔多，但係都叫到7樣(記唔哂名，包括菜包、煎腸粉、椒鹽九肚魚、雜錦清心丸、芋頭西米露等，重有一味番薯芋頭甜點)。另外再加一碗蠔仔粥($28)。真係有喜出望外，樣樣都有水準。我最鍾意九肚魚，椒鹽落得唔重手，粉漿唔多而裏面魚仍保持軟滑。老婆同外父就最鍾意味番薯芋頭，芋頭好粉，番薯亦靚。埋單$194，計起茶芥成$64(未計加一)，咪話唔拿俐。不過好食，圍起每人$50有找(我四個人)，已經食得好飽，而且唔駛等位，都算食得過。