影片
更多
2019-09-14
99 瀏覽
這是一間工廈餐廳根據經驗 除左觀塘既工廈附近有一定人流其他工廈都係人煙稀少 搵個人問路都有困難。。呢間都唔例外。。本來想搭小巴直到柴灣角結果等太耐就搭貴價巴士附近落車行十分鐘到過去去係有啲難去 尤其未聽過柴灣角呢個地方都係之前見食評話訂座有半價優惠 所以親身去試下入到去係接近六點半 係booking既時間不過現實係 我同友人竟然係全場唯一既客人即時有啲不安。。有位冇乜表情既員工問我地想坐邊其實都係親切既 唔係冇禮貌嗰種坐左bar枱 唔係向西睇唔到日落 如果早可能會曬？環境報置係整齊 乾淨同舒服既 四方形舖 有書睇 有部斷左一條弘既結他 一邊牆掛左波波 一邊係窗 一邊電視 一邊廚房同bar單點main同小食有半價 套餐甜品飲品冇優惠套餐包六樣野 比main貴得10蚊本來想叫黑毛豬 但同行人想食飯 咁就算我地兩個人叫得一個main 三款小食 兩杯野飲同兩個甜品因為仲要去飲野就一人一個main啦 同埋小食絕對有試既理由main好食係應該 小食先係見證真功夫既地方！（歪理）但對兩個唔大食既人都絕對係夠飽咩咩蟹子risotto 套餐冇 只屬於單點既菜式 唯一既飯老實講上枱係嚇一嚇既 冇諗過會係綠
根據經驗 除左觀塘既工廈附近有一定人流
其他工廈都係人煙稀少 搵個人問路都有困難。。
呢間都唔例外。。本來想搭小巴直到柴灣角
結果等太耐就搭貴價巴士附近落車行十分鐘到過去
去係有啲難去 尤其未聽過柴灣角呢個地方
都係之前見食評話訂座有半價優惠
所以親身去試下
入到去係接近六點半 係booking既時間
不過現實係 我同友人竟然係全場唯一既客人
即時有啲不安。。
有位冇乜表情既員工問我地想坐邊
其實都係親切既 唔係冇禮貌嗰種
坐左bar枱 唔係向西睇唔到日落 如果早可能會曬？
環境報置係整齊 乾淨同舒服既 四方形舖
有書睇 有部斷左一條弘既結他
一邊牆掛左波波 一邊係窗 一邊電視 一邊廚房同bar
單點main同小食有半價 套餐甜品飲品冇優惠
套餐包六樣野 比main貴得10蚊
本來想叫黑毛豬 但同行人想食飯 咁就算
我地兩個人叫得一個main 三款小食 兩杯野飲同兩個甜品
因為仲要去飲野就一人一個main啦
同埋小食絕對有試既理由
main好食係應該 小食先係見證真功夫既地方！（歪理）
但對兩個唔大食既人都絕對係夠飽
咩咩蟹子risotto
套餐冇 只屬於單點既菜式 唯一既飯
老實講上枱係嚇一嚇既 冇諗過會係綠色！
擔心如果係好重pesto 味既話友人會唔食
但好好彩地 係好好食既。。。
係出乎意外咁好食 味道係真係有啲草青味
跟火箭菜同綠雜菜呢個配搭係值得表揚
蟹子喺味道同口感上冇乜話好左或唔好
加落去既原因我諗係顏色原因？
車厘茄唔知係咪已經用左梅酒浸 係好味既
注意係唔知同唔肯定
可能係味覺比睇過menu既視覺影響左
其實喺entree上之前 係前菜上先既
叫左個餐湯 落單嗰下先知係蕃茄忌廉湯
應該唔係湯粉湯！ 唔會太多忌廉變左粉紅色
唔會太少忌廉變深紅色 貌相係合格既！
蕃茄冇打到爛哂 仲有少少蕃茄粒喺道！
唔係稀身！滑既！唔會好酸 小開胃
最重要係！ 好味
同湯一齊上既係忌廉汁青口
佢都跟左三塊餐湯既包
遺憾地見到就慣性沾湯放到口中
冇試下加呢個忌廉汁既配搭
提一下包都係好食既 邊邊係脆既
唔會硬到上口腔部分損 好好食
青口個味都係好好 呢個好難具體講個味
廚個調味做得真得幾好 或者係夾我口味啦
廣島蠔 先入為主以為係麵粉面包糠炸
咁雖然唔係 但味道都唔令人失望
其實都冇咩特別既調味哈哈
首先 係熟既 注：阿妹唔食生野唔食牛
其次唔會油淋淋同好膩
跟左兩舊半隻既檸角黎僻腥
但我覺得係可以接受既
咁當然係上枱就食既感覺啦
有個應該係經理或者老闆既過黎講話甜品就等我地食完個main先上
咁絕對係貼心既
然後飲品 環保咁係用鐵飲管既
不過我地自己有帶 所以都唔用餐廳飲管
(圖中為供應飲管)
蜜桃茶 冇乜特別 正常味道
玫瑰荔枝梳打 一開始未攪就用左粗飲管大力吸
玫瑰糖水入哂口 咁之後攪左都冇咩味
提一提 係用梳打水唔係用雪碧
所以避免左過甜情況 不過我就令佢變到冇味哈哈
整體黎講間餐廳係真係好高質
可以挑剔一下既係忌廉蛋糕
士多啤梨同藍莓味係差唔多味
係面頭既果jam有味道分別
中間既忌廉係有色水既分別 但食落係果粒先有分別
可能係食用色素？ 咁如果係叫一款就覺得ok既
只係兩款太相似
海綿蛋糕唔會出水或過硬既唔新鮮感
伴碟既cream就略水 可能係噴射忌廉既水尾
但並無大問題 薄荷葉都綠既
其實只係太似既問題 只叫一款就唔會有
所以真係好ok
最後 價錢一啲都唔貴。。。
如果唔係想食不存在喺套餐既飯
嗌套餐係比較抵既！
再提一下 到離開既時候已經接full house
應該都係主要接booking
始終唔會刻意行到工業區
不過走嗰陣認清左路就發現其實同citywalk係近既
張貼
