影片
更多
2024-11-07
1159 瀏覽
最近見公司附近新開咗台灣餐廳，發現原來係book mark過想試嘅‘那個’，於是搵個時間嚟試吓環境：可能因為係工廠區，出面冇招牌，門面同內部裝修簡約，不過地方幾大，值得一提嘅係好多梳化位，而且座位唔會好迫，坐得幾舒服服務：行全自助模式食堂風，類似大家樂，包括落單/取餐/執返餐盤都係全自助，睇得出想慳返啲人手，如果要求有服務嘅應該唔啱食，不過自己就覺得好過出面好多餐廳人手唔夠，叫極都冇人應機食物：$64香烤豬扒便當+凍檸檬茶+甜不辣烤豬扒都幾好食，不過未到Juicy 反而值得一提嘅係配菜，有個人最鍾意嘅台式酸菜同炒粉絲，送飯一流而且仲有炒包菜同粟米炒蛋，夠晒豐富，宜家出街好難有菜食㗎凍檸茶正常，甜不辣煙煙韌韌幾好食$78玖香啤酒豬軟骨湯麵+凍炭燒烏龍奶茶+台灣腸同行友人叫咗另一個豬軟骨麵，豬軟骨煮得好腍好入味，啲肉唔會好嚡，好好食，鍾意豬軟骨嘅真係要試烏龍奶茶都有驚喜，炭燒味幾香台灣腸就同台灣食到嘅味道好接近價錢嚟講有少少貴，不過嘢食同餸嘅份量都好多，唔會得兩舊意思意思，附近做嘢嘅人可以多一個高質選擇，不過午餐時間就比較多人，如果趕時間嘅可能要考慮一下夠唔夠時間
環境：
可能因為係工廠區，出面冇招牌，門面同內部裝修簡約，不過地方幾大，值得一提嘅係好多梳化位，而且座位唔會好迫，坐得幾舒服
服務：
行全自助模式食堂風，類似大家樂，包括落單/取餐/執返餐盤都係全自助，睇得出想慳返啲人手，如果要求有服務嘅應該唔啱食，不過自己就覺得好過出面好多餐廳人手唔夠，叫極都冇人應機
食物：
$64香烤豬扒便當+凍檸檬茶+甜不辣
烤豬扒都幾好食，不過未到Juicy
反而值得一提嘅係配菜，有個人最鍾意嘅台式酸菜同炒粉絲，送飯一流而且仲有炒包菜同粟米炒蛋，夠晒豐富，宜家出街好難有菜食㗎
凍檸茶正常，甜不辣煙煙韌韌幾好食
$78玖香啤酒豬軟骨湯麵+凍炭燒烏龍奶茶+台灣腸
同行友人叫咗另一個豬軟骨麵，豬軟骨煮得好腍好入味，啲肉唔會好嚡，好好食，鍾意豬軟骨嘅真係要試
烏龍奶茶都有驚喜，炭燒味幾香
台灣腸就同台灣食到嘅味道好接近
價錢嚟講有少少貴，不過嘢食同餸嘅份量都好多，唔會得兩舊意思意思，附近做嘢嘅人可以多一個高質選擇，不過午餐時間就比較多人，如果趕時間嘅可能要考慮一下夠唔夠時間
張貼
