影片
更多
2018-06-24
3044 瀏覽
舊同事又約食飯，三個女仔響油麻地地段，廟街呢帶一向都冇啲坐得舒適又優雅嘅地方，發現左呢一間響酒店入面嘅餐廳(原本以為佢係周慧敏同倪震開嘅,如果係嘅就唔想幫襯倪震😂）上到去環境真係幾靚嘅，如果有陽光坐露天位都唔錯。係清新優雅嘅擺設裝修。另一個食野app入邊見到有優惠，訂左就有折，但係只係主餐牌食品有折，其實主餐牌冇乜嘢食得意粉同pizza,所以最尾都係叫晚餐套餐。主菜我哋就叫咗兩個餐一個係ribs,一個係牛扒,包沙律或者餐湯，（餐可以半價叫甜品但見無乜特別就無叫。）我哋兩個餐都叫咗沙律但係只係黎左一碟有啲蟹籽既沙律上面有兩條淋左既長條春卷（難道是二人份😶）另外叫左啤酒薯條係炸洋蔥圈嘅炸法🤤非常香脆食到尾都仲保持脆度非常好，不過原來主菜都配薯條😂食唔晒。德國香腸拼盤，四條腸分別係黑椒腸芝士腸臘辣肉腸同豬肉腸，四條腸嘅味道唔算突出，不過好彩佢唔鹹，配粒粒芥茉醬同埋茄汁仲有啲生菜伴碟解油膩。主菜小豬肋骨一排有10條左右比例比想像中細，熱食都有啲硬，佢唔係一摵就散，因為細條嘅關係佢冇乜肉。醬汁正常燒烤醬味唔得出，可以再落多啲意大利醋吊返個味出啲同焗耐啲。牛扒手板咁上下大小，厚度約一寸，煎得幾好面
上到去環境真係幾靚嘅，如果有陽光坐露天位都唔錯。係清新優雅嘅擺設裝修。
另一個食野app入邊見到有優惠，訂左就有折，但係只係主餐牌食品有折，其實主餐牌冇乜嘢食得意粉同pizza,所以最尾都係叫晚餐套餐。
主菜我哋就叫咗兩個餐一個係ribs,一個係牛扒,包沙律或者餐湯，（餐可以半價叫甜品但見無乜特別就無叫。）我哋兩個餐都叫咗沙律但係只係黎左一碟有啲蟹籽既沙律上面有兩條淋左既長條春卷（難道是二人份😶）另外叫左啤酒薯條係炸洋蔥圈嘅炸法🤤非常香脆食到尾都仲保持脆度非常好，不過原來主菜都配薯條😂食唔晒。德國香腸拼盤，四條腸分別係黑椒腸芝士腸臘辣肉腸同豬肉腸，四條腸嘅味道唔算突出，不過好彩佢唔鹹，配粒粒芥茉醬同埋茄汁仲有啲生菜伴碟解油膩。
主菜小豬肋骨一排有10條左右比例比想像中細，熱食都有啲硬，佢唔係一摵就散，因為細條嘅關係佢冇乜肉。醬汁正常燒烤醬味唔得出，可以再落多啲意大利醋吊返個味出啲同焗耐啲。
牛扒手板咁上下大小，厚度約一寸，煎得幾好面頭唔過硬，切出嚟中間仲微紅仲有紅色肉汁一路切一路流🤤
飲品叫咗個
養肝美白茶，一大壺好抵飲,睇到好多花,顏色好吸晴，呃like一流
藍金橘鮮青靈薄荷梳打，顏色好似李施德林漱口水飲落就冇乜味又冇汽，唔講都唔記得有梳打水
蘆薈蜂蜜梳打，又係冇乜味又冇汽
餐飲兩杯凍檸茶自動走甜
服務有個姨姨幾好服務我地叫到一枱都係野食，佢主動收起啲靚裝飾騰空張枱幾好，有個後生哥哥仔好有禮貌，係夜左有個叔叔啲態度就⋯⋯事緣飲咗杯凍檸茶一啖唔甜嘅，咁就問係唔係另外有糖水上，佢就話你試咗先啦（我心諗就係試左先知無甜味先問既啫）話落咗成寸㗎啦（講咗幾次好似唔想攞咁）唔甜我攞一桶糖水俾你啦，我個朋友就講話好呀，佢咪又係好輕佻拎左一杯仔埋黎，我倒左大半落去杯度都係冇乜甜味。之後朋友仔試咗啲糖水就知道問題就係個糖水根本唔甜嘅😂
三個人埋單無用到優惠食左8百幾，間餐廳新仲未有太多客人，裝修仲好新淨，幾好坐傾下計。星期一至六買4送1，不過個餐牌得五個餐😂
張貼
