大滿屋日本料理 (已結業)

如果食放題嘅話有時都想盡量食好啲，唔想食太頹廢，觀塘放題選擇就比較少，所以就揀咗呢間大滿屋。翠玉瓜燒得都幾香脆，裏面嘅都鎖住肉汁。甜蝦、三文魚、油甘魚睇到爆曬魚油，幾有鮮味，略略有雪藏味不過唔係太大影響。甜蝦都幾新鮮，蝦頭起碼不太黑，三文魚更是我至愛。魷魚燒非常爽脆，而且鹹香十足。雞腎串有少少硬嘅口感，整得幾得意，上面鹹鹹地仲有少少辣味呢！花之戀用嘅三文魚都係比較靚，食完唔會好油膩但係配搭實在不錯。特色花之戀 魚子+海膽又有魚子又有海膽，好彩沒有令我失望，味道都算適中，這個價位可以食到你啲食物已經係好唔話得。天婦羅蝦+甜薯天婦羅剛剛來的時候都好夠熱力，裏面個餡冇乜特別，不過點上特製醬汁就清新左，亦都沒有那麼熱氣。