影片
更多
2023-04-15
960 瀏覽
訂位之前知道佢係Under一間酒店集團，雖則唔係top-tier嗰啲，但收得酒店中菜廳嘅價錢，就試吓啦。食完之後我要承認我低估咗OpenRice上關於佢哋服務嘅批評，佢哋嘅服務真係超差！！！超差！！！主要服務人員有四個人：一個類似高級少少嘅阿叔、一個金髮阿叔、一個後生仔、一個主要上菜同收碟嘅阿姐金髮阿叔可能平時做開茶記，點菜嗰陣表現唔耐煩，好似佢想幾時過嚟落單就幾時咁，同埋成枱八九個人，佢只係識得畀一份餐牌，仲要甜品餐牌係收埋咗，要問先有，酒店經營？？類似高級少少嘅阿叔最有問題，埋單叫我簽名嗰陣竟然用隻手指指一指張單再hea爆講句「簽名」，畀番張卡我嗰陣冇講「多謝哂」，呢個集團可唔可以請番啲有high end工作經驗嘅人？或者佢只係求其喺街邊執番嚟做替工？後生仔態度幾好，影相仲好識do影多幾張，有耐性阿姐喺食甜品收碟前唔問一吓人就收，但又要收剩咗一set，叫佢加啲熱茶，佢就真係只加熱茶，唔識加埋熱水，其實壺茶側邊就係壺水😅一般酒樓嘅阿姐都識一次過加埋啦食物方面，叉燒、炸子雞、龍躉、香芋燉蛋白都唔錯嘅，其他就好普通，普通到食完都唔會記得，真心未去到米芝蓮一星咁驚艷，如果畀得呢個酒店價錢食
主要服務人員有四個人：一個類似高級少少嘅阿叔、一個金髮阿叔、一個後生仔、一個主要上菜同收碟嘅阿姐
金髮阿叔可能平時做開茶記，點菜嗰陣表現唔耐煩，好似佢想幾時過嚟落單就幾時咁，同埋成枱八九個人，佢只係識得畀一份餐牌，仲要甜品餐牌係收埋咗，要問先有，酒店經營？？
類似高級少少嘅阿叔最有問題，埋單叫我簽名嗰陣竟然用隻手指指一指張單再hea爆講句「簽名」，畀番張卡我嗰陣冇講「多謝哂」，呢個集團可唔可以請番啲有high end工作經驗嘅人？或者佢只係求其喺街邊執番嚟做替工？
後生仔態度幾好，影相仲好識do影多幾張，有耐性
阿姐喺食甜品收碟前唔問一吓人就收，但又要收剩咗一set，叫佢加啲熱茶，佢就真係只加熱茶，唔識加埋熱水，其實壺茶側邊就係壺水😅一般酒樓嘅阿姐都識一次過加埋啦
食物方面，叉燒、炸子雞、龍躉、香芋燉蛋白都唔錯嘅，其他就好普通，普通到食完都唔會記得，真心未去到米芝蓮一星咁驚艷，如果畀得呢個酒店價錢食中菜，我唔會推介呢間嘢，仲有好多好多好多更好味嘅選擇，某啲locate喺酒店裡面嘅中菜廳絕對好過呢間嘢（both食物質素同埋服務方面）
總結：畀得呢個價錢都會係有啲啲要求嘅人，所以喺度食完餐飯，只記得佢哋啲態度好差，而唔太記得佢哋啲食物，不是一個好經歷，證明佢地有極大改善空間
張貼