Kuru Kuru自家製手作意粉 (已結業)

本來想去宜家傢私食飯順便買嘢，途經呢度，見到呢度裝修得咁靚，價錢唔貴，於是決改食意粉。鋪面用咗好多假嘅綠色植物佈置，牆上嘅畫好靚，感覺好舒服，好彩入黎較早唔駛排隊，坐低冇耐已經有人排隊了。標榜日本自家制意粉，就試下有幾特別揀咗菠菜三文魚忌廉意粉、蜆肉蝦仁蕃茄意粉，加$18轉set餐，多個湯同飲品。栗米忌廉湯，好淡，冇咩味意粉比市面一般意粉軟身同扁闊，幾特別，味道偏鹹個忌廉太稀，似水，麵吸收唔到，亦掛唔到上麵蜆肉蝦仁蕃茄意粉汁料啱啱好，每條麵都掛到蕃茄醬，不太鹹餐飲揀咗自家制冰茶，用新鮮橙造，好fresh,好好飲細心位，匙羹扁長，篤橙好方便，要一讚埋單送儲印卡，住附近嘅可以儲下印仔。食物質素有待改善，唔好浪費咁靚嘅食材同概念。