Passion (已結業)

今日終於有假放，同老公走去試新野，一直都很想試呢間位於灣仔區的店舖，最近發現終於在尖沙咀開新店，加上見有很多好食評，所以走黎試試。平日大約中午1點鐘到達，一入去已見到好大個餅櫃，甜品麵包酥撻款式多到令你花多眼亂唔知點揀，真係想全部試勻晒。可能係午膳時間，所以都好多人等位，我地都等左約15分鐘先有位，見戶外也有位置可供堂食，但因太熱關係所以都係等室內位置。2人共點了細沙律（$39）、三文魚蛋批（$32）、䶢牛肉三文治（$45）、咖啡（$28）及莓味蛋糕（$38）。細沙律可任選3款，本人揀了蘑菇、雞肉貝殼粉及蔬菜類，真的很新鮮同好味，而且份量也不少，見有好多OL都叫這個外賣拿走上office食呢！ 三文魚蛋批的味道好像平時蒸水蛋，焗得頗軟滑，中間夾著三文魚幾特別，真係第二度未食過，但略嫌較滯，食兩啖已有些飽！䶢牛肉三文治外層鬆脆，味道也𣎴錯，只是較為普通。咖啡用上illy出品，好濃郁，我老公話好味！最有驚喜係莓味蛋糕，單看賣相已非常吸引，order後還會在碟上灑上朱古力粉作裝飾，頗有心思，女士們一定喜歡！蛋糕慕絲非常幼滑，入面還有cream及底部有少少朱古力脆脆，但竟然完全不甜膩，反而是