SOLO UDON ソロうどん (已結業)

呢日放工之後約左朋友去銅鑼灣呢間新開既烏龍麵店食dinner。餐廳係自助點餐，好方便。餐廳既座位係獨立卡位，安全放心。我地點左雞白湯叉燒烏龍麵，湯底用左雞湯熬煮，非常清甜，烏龍麵好彈牙，配上煮得好軟腍又入味既叉燒，好perfect！另外仲有安格斯牛肉壽喜燒烏龍麵鍋，呢個安格斯鍋份量超大，仲加錢升級左A4和牛肩胛肉，肉味香濃又嫩滑，仲配左好多蔬菜，健康又好味。小食方面，點左櫻花蝦芫茜餅天婦羅、日本上湯冷菠菜同埋蛋黃天婦羅，夠哂特別。抹茶罐裝牛乳蛋糕幾軟滑。