Wish You A Mamaday (已結業)

今晚專登book 呢間同朋友補祝一個似樣d既生日，朋友鍾意食西式，呢度最啱，裝修環境玩味別緻。是但求其乜都炸$103首先點個炸物拼盤，貪佢咩都有，有雞翼，吉列蝦，魚柳同埋薯條，即炸脆卜卜，金黃色好吸引。好日子梗係芝士龍蝦意大利扁面$298個pasta係朋友選既，話哂係慶祝佢既日子，價錢係有d貴，不過最緊要好味。芝士味香濃，食落creamy好滑。個龍蝦冇令我地失望，龍蝦厚肉，超新鮮，質爽口又鮮甜，好新鮮性價比好合理。半熟吞拿魚西西里pizza $145用左半熟吞拿魚做pizza ，我都係第一次食，d吞拿魚連同芝士出嚟味道好特別，加上d柚子汁沙律菜，感覺好爽口，pizza 批底脆卜卜好好味。我今晚食得好滿足，朋友都好開心，like 社交平台，仲有雞翼送，下次可以同其他朋友再嚟。