kikusan

營業中

休息中

其實呢間店都算系LANDMARK既人龍店。皆因價錢大眾化，o係呢Ｄ中環高級地段，１００元唔洗就食到個LUNCH算系非常唔錯，最重要既係質素絕對唔錯，唔係求其HEA你比D垃圾你食，所以咪甘多人排隊落O羅。小編試過中午十二點半前到達，已經排曬長龍，當然放棄左啦。今日再早D去，以為未夠十二點到就掂硬啦，一樣２０個人排o係你前面，唯有等啦，好彩都唔算等好耐，大約１５分鐘以內就到我和同事啦。雖然人超多，但服務仍然有一定水準，抵贊!　我點左最喜歡既天婦羅飯，我同事點左豬扒擔擔麵， 另外我地點多個花生芝麻驢打滾。　D野食好快就到，熱辣辣甘，好好味，　好味既原因係１）夠熱唔會好似D整定曬甘。 2）價錢和食物質素系成正比，當然唔能夠同高級日本餐廳比，但味道其實真係唔相差太遠。 3）我既天婦羅飯有兩隻蝦和一塊好大塊既雜菜餅，我同事既豬扒都好正，系厚切豬扒。完全明白點解甘多人黎排隊，雖然限時1個小時進餐，但依然有好多打工仔甘願冒住好趕，食唔切既危險繼續排隊。其成功原因都不無道理既。大家如果經開中環，記得唔好中午去幫趁啦，比條生路D打工仔，另外其實下午時段他他條條嘆下仲好la， 係咪？卡卡卡