媽咪雞蛋仔 (已搬遷) 新店位置

媽咪雞蛋仔分店愈開愈多，單係雞蛋仔超過20款口味有鹹有甜！仲有格仔餅🧇 今日出去銅鑼灣買野就被吸引了！即叫即整，要比啲時間耐心等候睇餐牌既時候已經心大心細最後決定嗌一款雞蛋仔同一杯野飲雙重芝士雞蛋仔 $45外皮烘烤超讚，雞蛋仔成功做到外脆內軟(•̀ᴗ•́)و邊位之間整得超脆蛋味幾夠，紮實一粒唔係空心但唔會太過厚蛋漿，雙重芝士有鹹香既味道 ，帶有少少甜味，幾正喔~(˶‾᷄ꈊ‾᷅˵)~手抽紙袋底部有洞洞既設計，令即製雞蛋仔唔會焗住變淋之餘仲疏到氣，保持香脆，幾貼心凍檸檬蘆薈 $18 （跟餐價）味道酸酸甜甜 配埋雞蛋仔清新解膩🍋