完美咖啡室 (已結業)

係灣仔附近做完野，見仲係tea time嘅時間，心血來潮想食下甜品，就黎咗依間cafe。幾別緻，裝潢清新，有2隻枱仔，侍應招呼唔錯。我地一行6個人叫咗5個甜品share。最吸引眼球嘅莫過於火焰雪山($70)，侍應會係客人面前燒著雪山，外層係燒焦嘅蛋白，而內層係仲係凍嘅雲呢拿雪糕，冰火交融，可以話係口感上嘅衝激。蘋果金寶($65)，即叫即焗，上面係粒粒脆脆嘅，下面包住香濃嘅蘋果肉同蘋果汁，裝住雪糕嘅盤原來係用酥皮整嘅~焦糖脆脆($42)，脆脆加上軟滑嘅cream。日式芝士($42)，有濃烈嘅芝士味，好鬆化。熱情芒果($42)，酸酸甜甜。