影片
更多
2021-12-20
290 瀏覽
中環舖租有幾貴大家都知，仲要係地舖，就真係雪上加霜，所以係中環地舖食店，多數以餐廳速食為主，想搵間Fine Dining，的確有難度。想不到近月 Giovanni Pina 除了在K11 Musea大展拳腳外，更進駐中環核心地段開設旗艦店，以瑰麗典雅的裝潢，令人在用餐期間，感受到猶如在宮廷的感覺。其實仲有幾日就到聖誕節，搵地方慶祝係咪好頭痕呢？餐內地方空間感強，寬敞闊落，門口設有甜品專櫃，坐低食又得，買走都可以，非常方便。若果大家可以早放工，不妨先來一個 Happy Hour（3pm-8pm），同朋友摸摸酒杯底聊天。Happy Hour 本身$168，可以90分鐘內 free flow 啤酒，加多$30，以$198/位，更可以upgrade任飲指定紅白及汽酒，再加一客即炸黑松露薯條，係咪抵到難以置信呢？餐前先跟朋友來一杯 Yuzu Mojito（$98）在基本的薄荷味上注入柚子的甜美，不錯;而朋友則來了杯 Pink Gin Fizz（$98）。手工流心水牛芝士伴鮮番茄配備秘製羅勒橄欖油意大利陳醋汁（$168）芝士軟綿香滑，輕輕剖開兩半，再澆上羅勒橄欖油意大利陳醋汁，喜歡芝士的朋友定必愛
想不到近月 Giovanni Pina 除了在K11 Musea大展拳腳外，更進駐中環核心地段開設旗艦店，以瑰麗典雅的裝潢，令人在用餐期間，感受到猶如在宮廷的感覺。其實仲有幾日就到聖誕節，搵地方慶祝係咪好頭痕呢？
餐內地方空間感強，寬敞闊落，門口設有甜品專櫃，坐低食又得，買走都可以，非常方便。若果大家可以早放工，不妨先來一個 Happy Hour（3pm-8pm），同朋友摸摸酒杯底聊天。
Happy Hour 本身$168，可以90分鐘內 free flow 啤酒，加多$30，以$198/位，更可以upgrade任飲指定紅白及汽酒，再加一客即炸黑松露薯條，係咪抵到難以置信呢？
餐前先跟朋友來一杯 Yuzu Mojito（$98）在基本的薄荷味上注入柚子的甜美，不錯;而朋友則來了杯 Pink Gin Fizz（$98）。
手工流心水牛芝士伴鮮番茄配備秘製羅勒橄欖油意大利陳醋汁（$168）芝士軟綿香滑，輕輕剖開兩半，再澆上羅勒橄欖油意大利陳醋汁，喜歡芝士的朋友定必愛上，加上新鮮多汁的車厘茄，更使我吃過不停。
馬納羅拉烤焗極級鮮蠔（$238/4隻）不單大隻，而且咬落好juicy，醬汁沒有蓋過蠔味，吃完滿嘴蠔香，即時配杯白酒來提鮮，一流。
意式烤八爪魚配辣煙燻甜椒醬（$208）自己幾喜歡的一道菜，八爪魚QQ彈牙的口感，處理得好啱心意，蘸點甜椒醬，更添風味。
跟朋友各自點了黑松露野菌忌廉湯（$108）及意式龍蝦湯（$138）。
野菌湯散發黑松露的香氣，很濃稠的質感，入口綿滑，不錯。
而龍蝦湯同樣香濃，亦吃得到龍蝦肉，但略嫌太多氣泡了，影響了賣相。
焗鱈魚柳伴地中海式燴蕃茄（$398）朋友戒牛肉多年，主菜點了魚肉，聽說魚油好香，而質地嫩滑，或者大家有機會可以加入考慮之內。
澳洲安格斯牛（$298）牛肉烤至medium rare，切開兩半呈嫣紅色，火喉啱啱好，咬起來軟熟有嚼口，伴以菜苗及烤蒜粒，簡單的蘸點一下海鹽來提鮮，肉味更濃。
四式芝士手工薄餅配蜜糖（$208）看似平平無奇，但食落先發覺驚喜處，首先店內設明火烤爐，薄餅火喉控制準繩，邊位微焦不過火，揉合了Mozzarella、Gorgonzola、Fontina以及Parmigiano四款味道及口感都不同的芝士，撕開一角時，芝士有了拉絲的感覺，濃郁的芝士香氣四溢，再配上一杯冰凍啤酒，真係無得輸。
西班牙紅蝦燴手工義大利寬條麵（$368）用上矜貴的西班牙紅蝦，味道鮮甜，收費又不覺得太貴，紅彤彤的醬汁好吸引，寛條麵掛汁能力更強，煙韌的口感相當對辦。
甜品
Semifreddo 雪菲蛋糕（$58/件）
當中有蛋白脆雪菲蛋糕、沙芭翁雪飛菲蛋糕、蜜糖果仁雪菲蛋糕、雜莓雪菲蛋糕、朱古力雪菲蛋糕以及咖啡雪菲蛋糕。
吃起來感覺似雪糕又似蛋糕，香甜軟滑如綿，因為太易溶化，所以千萬不要想外賣，還是乖乖的留在餐廳享用吧！
朋友N先生是甜品控，極力推薦一套12件迷你撻，望望都不過是$128，已包括了迷你蛋白檸檬撻、迷你開心果撻、迷你朱古力撻、迷你松子杏仁撻、藍莓果醬撻、杏桃果醬撻、忌廉泡芙、吉士泡芙、迷你士多啤梨撻、迷你鮮果撻、迷你紅桑子撻以及迷你吉士忌廉筒，賣相別緻可愛，一口一件相當方便，就算想輕食都無問題。餐後當然要返杯 Earl Grey Tea，用佛手柑的幽香平衡了甜膩的感覺。
若果大家係中環返工，放工後想好好充電，個人覺得 Giovanni Pina 真係一個幾好既選擇。
張貼
