影片
更多
2016-07-25
1327 瀏覽
下午茶剛過, 六時左右, 少客, 此店座位設計, 好似寫字樓, 半高身的partition, 兩至三張二人檯為一間隔, 提高了私隱度. 餐牌設計, 愈來愈花巧, 與其他媒體廣告統一, 近十年商學院最愛講的甚麼... Integrated Marketing Communications... 但其實我覺得好廢吓... 哈哈...正當考慮叉雞...還是...叉鵝之時... 隔離檯來了兩位痴情男女..., 都好... 唔使咁悶..., 唔覺意聽到, 女說: "我要肥叉燒切雞飯, 健康一點, 記住走豉油...", 吓...! 健康一點??? 肥叉燒喎..., 呢位港女真識食...! 熱奶茶, 正常過正常, 茶味夠, 不澀, 奶味適中, 唯熱度不是最熱級數, 不過, 在夏季, 可以接受.自取食具, 經過十分細緻的檢查, 整潔程度滿意, 紙巾任攞, 而且質素好, 不是那些又軟又薄又易爛的平價貨, 要讚啦! 套餐, 送油菜, 二選一(生菜和菜心), 賣相頗奇異, 不似一般麵店的擺放形態 (菜葉下職, 菜莖放面), 而是用長碟, 全條菜, 切一半後, 打平放, 其實這款賣相無咁好睇. 無論如何, 菜
下午茶剛過, 六時左右, 少客, 此店座位設計, 好似寫字樓, 半高身的partition, 兩至三張二人檯為一間隔, 提高了私隱度.
餐牌設計, 愈來愈花巧, 與其他媒體廣告統一, 近十年商學院最愛講的甚麼... Integrated Marketing Communications... 但其實我覺得好廢吓... 哈哈...
正當考慮叉雞...還是...叉鵝之時... 隔離檯來了兩位痴情男女..., 都好... 唔使咁悶..., 唔覺意聽到, 女說: "我要肥叉燒切雞飯, 健康一點, 記住走豉油...", 吓...! 健康一點??? 肥叉燒喎..., 呢位港女真識食...!
熱奶茶, 正常過正常, 茶味夠, 不澀, 奶味適中, 唯熱度不是最熱級數, 不過, 在夏季, 可以接受.
自取食具, 經過十分細緻的檢查, 整潔程度滿意, 紙巾任攞, 而且質素好, 不是那些又軟又薄又易爛的平價貨, 要讚啦!
套餐, 送油菜, 二選一(生菜和菜心), 賣相頗奇異, 不似一般麵店的擺放形態 (菜葉下職, 菜莖放面), 而是用長碟, 全條菜, 切一半後, 打平放, 其實這款賣相無咁好睇. 無論如何, 菜心質素好, 從菜莖的圓切面看到, 無實心白色圓點中心, 口入不覺得根, 滿意!
叉燒燒鵝飯, 叉燒水準高, 雖然不是半肥瘦, 但入口肉質軟而有彈性, 少少燶, 至於偏甜...是好是壊, 則見仁見智..., 燒鵝則比想像中略差, 燒鵝唔夠脆口, 皮肉有些少分離, 肉質尚可以.
每檯均有一個暖水壺, 與市面一些連水都不供應的餐廳, 真是無話可說吧... 對於左膠, 連鎖店有其原罪, 但試過, 也不是那麼衰吧... 哈哈...
張貼
