了不起 (已結業)

今日同朋友響旺角聽完座談會後，慢慢沿著彌敦道行去尖沙咀。大熱天時行街真係辛苦，行到熱熱地想飲杯野涼下，好彩行行下見到了不起，有我最鍾意的水果茶，了不起水果翡翠($36)，大大杯裝飲落茶底清甜陣陣茶香，間中咬到熱情果芭樂肉，好fresh透心涼的感覺。朋友買了杯黑糖珍珠奶茶($25)試左兩啖沒有甚麼驚喜，因黑糖都hit左一排，個人覺得飲過兩三次就夠了，珍珠軟身有咬口，茶味濃都幾甜下，比較適合重口味人仕，都係水果茶啱我。