譚仔雲南米線 (好爵中心)

營業中

休息中

之前講過譚仔(三哥)係三哥所管理既，今日去左呢間食午餐。十二點幾去到，雖然好多人但都可以找到位既。我都係叫左個牛肉、雞肉特辣配凍奶茶。這時候，坐我對面既中年女人突然大發脾氣，話芽菜唔新鮮。同職員投訴不果，結果找店長協助。佢問使唔使換過碗米線，中年女人算話唔使啦，芽菜會食死人架。雖然呢情況好多餐廳時有發生，但職員有理不理既態度只會惹人反感。特辣米線唔通全走就是最好，唔使食爛芽菜。既份量同其他譚仔差唔多，但質素就差啦。牛肉唔算太新鮮，但都算啦。雞肉都算可以既，但味道唔算突出。而湯底就比上次食既辣，上次叫左特辣都唔覺得佢辣既，咁就唔好特辣啦。凍奶茶無其他譚仔既好飲，茶味唔夠濃，奶又落多左。感覺似飲奶水多。呢間譚仔既質素同我食開既差得遠，希望佢地可以改善食物質素同服務啦。相信短期內都唔會再去啦。