十二味 (和富)

營業中

休息中

自從朋友推介左我食酸菜魚之後，一直對嗰種酸辣嘅味道念念不忘，見到十二味有酸菜魚賣，就即刻買返嚟試吓。外賣酸菜魚配白飯一碗$75 ，見到網民推介紅糖糍粑，就加咗$53買，埋單$128。酸菜魚味道正宗，有好多魚塊，酸酸地又唔會太辣，好開胃，我食唔到好辣，都覺得剛剛好，酸菜湯撈飯食一流❤️紅糖糍粑其實就係炸糯米條，可能攞到返屋企都有一段時間，表面已經彬曬，冇咗脆脆嘅口感，雖然提供嘅甜醬都唔錯，但係味道就一般啦。成個午餐雖然價錢略貴，但係有特色，可以一試。