雲桂香米線專門店

營業中

休息中

今日嚟左大角咀呢間雲桂香，之前喺銅鑼灣成日食，佢個酸辣小窩米線同腩肉真係好正！今日嚟到就忍唔住一次過嗌咗Double腩肉😍，另外就係帶咗炸醬同埋蘿蔔。腩肉一如既往咁出色，唔太肥唔太瘦，而且每塊肉都入晒味。蘿蔔配落去小窩米線都唔錯，重口味得來有啲清清地嘅嘢食，炸醬都好香但啲肉碎同佢本身湯底嘅肉碎就有啲似。另外點左蒜泥白肉，30幾蚊有成六大嚿真係抵食，每舊白肉中間都包住左青瓜🥒，個人覺得唔係太夾所以都係分開食😂。鍾意食腩肉既朋友識嗌就一定係嗌Double😎🤘🏽。天氣咁凍🥶食返碗酸辣小鍋米線個人都覺得暖粒粒🥰。