影片
更多
2021-10-12
552 瀏覽
餐廳：Bacchus (銅鑼灣)地址：銅鑼灣耀華街3號百樂中心9樓唔知你對希臘神話又熟唔熟悉呢🍺？神話當中嘅Bacchus巴克科斯喺宙斯嘅其中一個仔，佢發現飲完用葡萄釀成嘅酒會令佢感到輕飄飄🍇，可以短暫忘卻心入面嘅煩惱、創傷同痛苦，於是就迷上咗呢種感覺💫，經常飲到似醉非醉、半夢半醒咁，希望透過用酒去麻醉自己，令自己可以擺脫一出世就唔知媽媽去咗邊嘅苦悶同鬱結銅鑼灣百樂中心9樓呢間新開嘅 @bacchus_cwb 用咗酒神做主題🥂，大廚將唔同嘅酒融入食物當中，例如冧酒慢煮西班牙豬扒🐷、紅酒去整肉眼扒🥩、白酒啫喱配鵝肝多士，真係啱晒好酒嘅你😏，另外佢哋嘅alcoholic menu有成十幾二十頁超多嘅選擇😂，酒鬼真喺唔可以錯過🤪餐廳嘅佈置仿效英式設計🇬🇧，環境典雅舒適，燈光柔和浪漫💕，座位闊落而寬躺，仲劃分咗三個area比客人自己選擇，想私隱度高啲可以坐最入嘅area、想望住bartender調酒可以揀近bar枱嘅位置，做人最緊要有得揀呀嘛😌✝️慢煮全雞配燒汁 $188用真空低溫慢煮方法將一隻全雞煮熟、拆骨再斬成4件上碟，淋上蜜糖🍯，加埋加入咗紅酒嘅燒汁，切開見到雞肉肉質鮮嫩，雞肉嘅肉汁豐富鎖
地址：銅鑼灣耀華街3號百樂中心9樓
唔知你對希臘神話又熟唔熟悉呢🍺？神話當中嘅Bacchus巴克科斯喺宙斯嘅其中一個仔，佢發現飲完用葡萄釀成嘅酒會令佢感到輕飄飄🍇，可以短暫忘卻心入面嘅煩惱、創傷同痛苦，於是就迷上咗呢種感覺💫，經常飲到似醉非醉、半夢半醒咁，希望透過用酒去麻醉自己，令自己可以擺脫一出世就唔知媽媽去咗邊嘅苦悶同鬱結
銅鑼灣百樂中心9樓呢間新開嘅 @bacchus_cwb 用咗酒神做主題🥂，大廚將唔同嘅酒融入食物當中，例如冧酒慢煮西班牙豬扒🐷、紅酒去整肉眼扒🥩、白酒啫喱配鵝肝多士，真係啱晒好酒嘅你😏，另外佢哋嘅alcoholic menu有成十幾二十頁超多嘅選擇😂，酒鬼真喺唔可以錯過🤪
餐廳嘅佈置仿效英式設計🇬🇧，環境典雅舒適，燈光柔和浪漫💕，座位闊落而寬躺，仲劃分咗三個area比客人自己選擇，想私隱度高啲可以坐最入嘅area、想望住bartender調酒可以揀近bar枱嘅位置，做人最緊要有得揀呀嘛😌
✝️慢煮全雞配燒汁 $188
用真空低溫慢煮方法將一隻全雞煮熟、拆骨再斬成4件上碟，淋上蜜糖🍯，加埋加入咗紅酒嘅燒汁，
切開見到雞肉肉質鮮嫩，雞肉嘅肉汁豐富鎖緊喺肉中間，連埋稍稍煎香嘅雞皮一齊食，齒頰留香，仲配咗唔同種類唔同顏色嘅蔬菜🥦🥕，望落去都靚啲🥰
✝️香煎虎蝦配蒜香欖油意大利麵 $138
望見呢兩隻大大隻嘅茄汁虎蝦已經流晒口水🤤，有成隻手掌嘅長度✋，虎蝦嘅蝦殼仲稍微開咗少少🤏，方便食客一拆開就食得👍，
意大利麵仲加咗橄欖油同蒜頭去炒香，食落幾開胃惹味
✝️Lungo (double) $58
如果你有飲過吓咖啡，相信一定唔會唔識咖啡粉囊著名品牌Nespresso呢個瑞士牌子🇨🇭，餐廳用咗Nespresso嘅咖啡粉，有六款唔同特色同味道比你揀，仲可以自由選擇加唔加奶或者雪糕，整成一杯啱你心意嘅咖啡☕️。我就揀咗用Ispirazione Italiana - Napoli (Intensity 13)沖嘅double shot espresso，烘焙度比較深，入口有濃烈甘苦香，絲滑而層次豐富，無論聞定係飲都一樣咁吸引😻
✝️Elderflower, strawberry & rose infusion $68
餐廳用咗Fortnum and Mason嘅茶包茶葉去調製花茶🌸，呢個用咗接骨木花、士多啤梨同玫瑰浸泡嘅花茶有陣陣香甜花味，味道唔會好濃，幾清新🌱
✝️Tiramisu $108
呢個Tiramisu同我哋平時食嘅唔一樣，除咗係餐廳自家製之外，仲帶嚟大大驚喜😻，
將手指餅放喺馬斯卡彭芝士(Mascarpone cheese)同一啲都唔膩嘅cream上面，加上咖啡粉、朱古力粉同碎粒，仲有一隻打側咗嘅杯仔，彷彿就好似杯入面倒瀉咗啲cream出嚟咁，好有動感🤩，另外有一球雲呢拿雪糕🍨，必試！所謂眾人皆醉我獨醒，呢種似醉非醉嘅生活，麻醉咗心中無數嘅鬱結，令輕省嘅腳步得以延續落去，相信都喺某啲人嚮往嘅精神狀態，你又準備好上嚟把酒問月、同酒神相遇未呢🍸？
張貼
