牛八和牛燒肉屋 (已結業)

中秋節唔去BBQ都要去應下節食燒肉，見時間未到就同媽咪去食個lunch, 雖然係平日，但都等位等咗幾分鐘。兩個人叫咗兩個餐，有燒肉，飯，湯，前菜，仲有杯嘢飲，其實都唔算貴。每個餐碟肉都有八塊到，其實唔大食嘅都夠，但可以再單點碟肉，好似都係$35到。我哋兩個餐叫咗唔同醬嘅肉，一個鹽醬，一個醬汁，個醬汁野味好多。啲肉質都淋，都幾好味㗎！個湯都好有牛味，但杯咖啡就差啲。最怕食燒肉出到間餐廳就聞到陣油煙味，好彩出到嚟又冇喎，下次可以再去。