Vol.1 Cafe

營業中

休息中

係銅鑼灣鬧市中央，試咗一間上樓嘅cafe，環境同食物質素都比想像高汁好多，氣氛都好chill，估唔到銅鑼灣都有啲咁好食嘅餐廳但係唔多人。叫咗一個「龍蝦汁蟹肉手工意粉」。佢嘅意粉係手工寛條麵，麵質適中偏硬，食得出係真材實料嘅手工意粉。龍蝦汁都好濃好香，上到枱嘅時候好想即刻食，食完感覺可以鹹少少，汁入面都有唔少嘅蟹肉。再嚟係「經典卡邦尼手工意粉」，呢個手工意粉係圓粗麵，味道雖然簡單但係好突出，佢哋嘅卡邦尼醬同車打芝士混合得恰到好處，份量亦都好足夠。至於「炙燒白松露雞翼」，外層香脆，裡面嘅雞肉又嫩滑，而且大大隻，亦都食到有松露嘅味道但不太足濃。飲品方面，「抹茶奶蓋士多啤梨奶」味道清新，抹茶味濃郁，同士多啤梨嘅甜味幾夾，不過我就覺得甜咗少少。而「espresso tonic」喺天氣咁熱嘅日子裡喝真係一絕，espresso無咩苦澀味同清新嘅tonic混合，非常解渴。我覺得最最最好食嘅係「抹茶巴斯克麻薯蛋糕」，個蛋糕嘅抹茶味好濃好滑，同上面嘅醬汁好夾，裡面嘅麻薯口感軟滑煙煙靭靭，食完係會想再叫多個食食。呢間cafe好適合大家同朋友lunchtime上嚟食個飯或者teatime上嚟飲杯野食個蛋糕！