茶涮涮 (已結業)

想去日本但因為疫情冇得去，唯有留喺香港食日本料理😙，所以就揾咗呢間食日本料理嘅餐廳。因為第一次嚟，唔知食乜好，侍應好好人😊推薦咗呢個極上和牛盛合套餐，有齊曬活蠔、刺身同和牛，仲有手工烏賊丸、海老丸。呢個天氣本身熱到胃口都冇😔，食個刺身生蠔，涼沁沁開下胃先🤩，加啲檸檬汁更鮮甜❤️揀咗個鰹魚昆布湯鍋，湯望落好清，但飲落好夠味😍主食有稻庭烏冬、紫蘇梅麵同醬油月見飯俾我揀🤔，但我呢個無飯不歡嘅人，果斷揀咗醬油月見飯，醬油同蛋汁撈飯簡直絕配👍🏻👍🏻份量啱啱好和牛唔洗講，一見到就知用料靚。但估唔到嘅係烏賊丸、海老丸都係手工嘅，望落去軟糯，煮咗蓬起有兩倍咁大，滿滿嘅烏賊肉，大滿足🥰🥰