影片
更多
2020-01-12
85 瀏覽
今次嚟到位於銅鑼灣鬧市中嘅泰國餐廳Sayam Thai bar食飯。呢間係新餐廳，餐廳開咗大約一個月餐廳。係正sogo對面，地鐵站行大約5分鐘就到，位置非常方便。一去到門口 覺得好似spa既感覺，好有泰國特色，有植物作為佈置，採用大量木製餐桌。一入門口就見到有bar枱，仲有調酒師添，就算放工嚟happy hour都得。菜式種類有好多，泰國最出名嘅菜式都有供應。包括湯，燒烤，串燒，沙律，咖哩，海鮮，粉麵飯。飲品除咗有傳統嘅汽水，啤酒外仲會有mocktail cocktail, draft beer！而我就點咗個青木瓜沙律，青咖哩燒雞腿，濕炒海鮮麵，馬拉盞炒椰菜花。青木瓜沙律夠曬新鮮，除咗有青木瓜沙律仲有西式嘅沙律菜配上泰式魚露， 仲有個糯米飯。估唔到叫一個青木瓜沙律就可以享受到三種唔同嘅味道。馬拉盞炒椰菜花，蔬菜好新鮮，馬拉盞汁好香濃，配上乾蒜片，炒得好入味。另外特別推介青咖哩燒雞腿。雞腿燒得好嫩滑，係即叫即燒嘅。就算唔點咖哩汁都已經夠曬香嫩滑，本身雞腿已經醃製過好入味。青咖哩裏面有泰國空運過來嘅小茄子以及蘿蔔蔬菜，仲更有薄餅，配上青咖喱一流。濕炒海鮮麵，呢個麪喺其他餐廳都比較少見到所以
一去到門口 覺得好似spa既感覺，好有泰國特色，有植物作為佈置，採用大量木製餐桌。一入門口就見到有bar枱，仲有調酒師添，就算放工嚟happy hour都得。
菜式種類有好多，泰國最出名嘅菜式都有供應。包括湯，燒烤，串燒，沙律，咖哩，海鮮，粉麵飯。飲品除咗有傳統嘅汽水，啤酒外仲會有mocktail cocktail, draft beer！
而我就點咗個青木瓜沙律，青咖哩燒雞腿，濕炒海鮮麵，馬拉盞炒椰菜花。
青木瓜沙律夠曬新鮮，除咗有青木瓜沙律仲有西式嘅沙律菜配上泰式魚露， 仲有個糯米飯。估唔到叫一個青木瓜沙律就可以享受到三種唔同嘅味道。
青木瓜沙律
6 瀏覽
0 讚好
0 留言
馬拉盞炒椰菜花，蔬菜好新鮮，馬拉盞汁好香濃，配上乾蒜片，炒得好入味。
另外特別推介青咖哩燒雞腿。雞腿燒得好嫩滑，係即叫即燒嘅。就算唔點咖哩汁都已經夠曬香嫩滑，本身雞腿已經醃製過好入味。青咖哩裏面有泰國空運過來嘅小茄子以及蘿蔔蔬菜，仲更有薄餅，配上青咖喱一流。
青咖哩燒雞腿
8 瀏覽
0 讚好
0 留言
濕炒海鮮麵，呢個麪喺其他餐廳都比較少見到所以點咗嚟試。聽餐廳老闆講麪係泰國空運過既鹹蛋麪。本身已經有好香身。個濕炒汁夠曬份量，入邊亦有好多海鮮，海鮮夠曬新鮮。個麪配上個醬汁係一流嘅配搭。麪身係即叫即炸，好香脆又唔會太熱氣，一啲都唔油膩。
濕炒海鮮麵
9 瀏覽
0 讚好
0 留言
食飽曬正餐後最後叫咗個芒果糯米飯先夠滿足，芒果夠曬大個，新鮮香甜。糯米飯亦好香軟，配上椰汁夠曬入味。
芒果糯米飯
10 瀏覽
0 讚好
0 留言
張貼
