鴛鴦戲水私房中菜 (裝修中)

由名廚徐蒝主理嘅一間私房菜，每一道菜都係原創非常有心思，例如「海水豆腐」，竟然加入左海水嘅元素用嚟整豆腐！菜式嘅設計尤如藝術品，但味道亦都一流。另外餐廳位置偏遠，無論揸車定係搭車都到唔到，需要步行進入隱世嘅海邊村莊私宅入面，不過人煙罕至，望海環境氣氛浪漫。菜單方面四季變更，會採用返時令嘅食材，蔬菜或者香草都係佢哋自己種植，純有機。醬料都係自己製作嘅～每一道菜上菜嘅時候仲會同你詳細介紹，可見其用心！「黃土雞」非常美味，算係主打菜式之一，分別唔同季節，食咗三個唔同嘅菜單都有出現～雖然價錢有啲貴，但絕對值得！