影片
更多
2014-10-13
1282 瀏覽
最近熊貓真係好 Hot, 繼之前熊貓展覽, 我去整紙糊熊貓, 今次仲要將熊貓食落肚添呀~回顧我的PaperMachePanda ➞ http://goo.gl/l2AOGz近排見好多同事都 Post 左熊貓飯既相出黎, 原來就係響我公司附近! 咁近喎, 梗係要黎拜訪一下熊貓啦 (之後仲可以去759阿信屋逛番兩個圈先返公司 ) ~紅丸甜品 位於鰂魚涌英皇道, 要行入條行仔度先見到, 所以平時都唔會路過見到!店舖唔大, 屬於細! 大概有16個坐位左右, 不過感覺就好舒服~一坐低就會比兩杯水, 係木製既杯啊, 好raw啊~~ 因為午飯既關係, 只供應 A B C D E 餐! 除左 A 餐熊貓咖哩飯之外, 其餘都係 Light Food! 而價錢方面都同同區既差不多!黎呢度就係想食熊貓之嘛, 熊貓咖哩飯 又點可以唔叫呢~再一次証明「好睇唔好食」呢個至理明言!熊貓飯係林badbad飯; 而咖哩係日式咖哩磚既味道 (唔辣), 再加少少雞肉! 若果飯加少少味道會更好, 因為一碗普通白飯都好味過呢幾粒被搓圓撳扁既飯! 而咖哩呢, 醬汁較淡味...另外叫左日式煙三文魚冷麵!好似一個日式便當啊!!! 令
最近熊貓真係好 Hot, 繼之前熊貓展覽, 我去整紙糊熊貓, 今次仲要將熊貓食落肚添呀~
回顧我的PaperMachePanda ➞ http://goo.gl/l2AOGz
近排見好多同事都 Post 左熊貓飯既相出黎, 原來就係響我公司附近! 咁近喎, 梗係要黎拜訪一下熊貓啦 (之後仲可以去759阿信屋逛番兩個圈先返公司 ) ~紅丸甜品 位於鰂魚涌英皇道, 要行入條行仔度先見到, 所以平時都唔會路過見到!
店舖唔大, 屬於細! 大概有16個坐位左右, 不過感覺就好舒服~一坐低就會比兩杯水, 係木製既杯啊, 好raw啊~~
因為午飯既關係, 只供應 A B C D E 餐! 除左 A 餐熊貓咖哩飯之外, 其餘都係 Light Food! 而價錢方面都同同區既差不多!
黎呢度就係想食熊貓之嘛, 熊貓咖哩飯 又點可以唔叫呢~
再一次証明「好睇唔好食」呢個至理明言!熊貓飯係林badbad飯; 而咖哩係日式咖哩磚既味道 (唔辣), 再加少少雞肉! 若果飯加少少味道會更好, 因為一碗普通白飯都好味過呢幾粒被搓圓撳扁既飯! 而咖哩呢, 醬汁較淡味...
另外叫左日式煙三文魚冷麵!
好似一個日式便當啊!!! 令我諗起卡通片小丸子要帶飯返學既便當! 日式煙三文魚冷麵, 哈~無技術可言! 冷麵配上冷麵汁; 煙三文魚又係一早買返黎; 而田園沙律就係配上芝麻醬, 呢個唔會唔好味^^ 但就無驚喜!飯後附送甜品, 紅豆布丁 (有幾款可以揀, 好似仲有果凍)!
呢個好味, 唔太甜亦唔會太濃奶味! 似紅豆糕, 只不過盛裝器皿係牛奶布丁樽者~
紅丸甜品 主打應該係甜品, 不過我食午餐, 所以無太為意其他食品! 但午餐套餐質素有待改善, 賣相係幾吸引, 但食物就一般了, 而且 portion 偏細呢... 下次再黎既話會試其他甜品好了~紅丸甜品 位於鰂魚涌英皇道901號英麗閣地下B1號舖 (見到759阿信屋就轉入去就係架啦~)
張貼
