金葵苑越南餐廳 (已結業)

小弟好少打食評,花生友嚟,通常睇食評多。雖然由細食到大,但今次真係好過分。食到碗麪一面,浮咗隻昆蟲上嚟,疑似曱甴,真係好恐怖,朋友即刻嘔咗岀嚟同喊咗,所以以後都唔會再幫襯。但最後老闆都好客氣,好有禮貌,好有誠意道歉,亦無收到碗麵錢。但真係過唔到心理關口,要搵個地方抒發情緒。越南間餐廳開咗十幾年,質素都一般般,不過不失,環境都舒適,但今次真係好失望。小弟都明白飲食業其實廚房都好惡劣,但寧俾人知莫俾人見。