Mini Friday (銀城廣場) (已結業)

和同事一齊去旺角剪頭髮，之後搵餐廳食飯，佢知道銀城廣場有間Mini Friday，提供多元化食物的多國菜餐廳。之前在觀塘分店食過，味道唔錯，今晚就同我試吓呢間。入座後先送上薄脆小食。晚市套餐比較豐富，包田園沙律、是日餐湯、咖啡或茶。原隻法式香草烤雞：春雞好大隻，份量十足，外皮燒到金黃色，熱辣辣香噴噴！燒嘅時間啱啱好，皮脆肉嫩，肉汁豐富又入味，再配埋蘆荀、粟米仔，紅蘿蔔和黃薯蓉，更添色彩和味道！加一蚊有是日甜品千島海鮮薄餅：批底是薄批底，配料很足很豐富，蝦仁大隻爽口，芝士可以拉絲，味道很濃郁。薯條即叫即炸，香脆可口。