Banabana (已結業)

前兩日放工去旺角食飯，途中經過呢間小店，見到大排長龍，即刻湧現左香港人"人排我排"嘅心態，排埋一份先！架上有好多款水果選擇，揀3款放入太空船，然後拎去比錢，就係咁簡單！我揀左奇異果、紅桑子、桃。其實比錢嘅程序好快，係等拎果汁比較耐，店內店外都企滿等拎果汁嘅客人。到最後差唔多等左成半個鐘先拎到，都真係幾耐。不過果汁店原來只係開左7日，相信隨後會加快果汁製作嘅過程。奇異果＋紅桑子＋桃 汁，質地幾濃，感覺足料。一路飲一路feel到奇異果嘅粒粒，都幾多！桃嘅甜味被奇異果同紅桑子嘅酸味蓋過，所以杯果汁整體嘅味道偏酸。飲完感覺幾refresh，不過下次會選擇甜味較重嘅生果，會比較好飲。