百匯軒 (已結業)

今日黎百匯軒飲茶，發現佢有呢個套餐都幾抵食。原隻燒乳鴿加芝士龍蝦伊麵，賣168元，三個人飲茶，費事諗咁多，一於試吓，唔夠再叫點心。套餐，兩款都做得唔錯，分量亦足夠三至四人。燒乳鴿唔錯，不過鹹，肉質唔乾身。龍蝦伊面既龍蝦都算大隻，起碼三四個人，每人都可以分到兩三舊。如果淨係食套餐當然唔夠，所以都係要叫下其他點心配搭。山竹牛肉做得幾鬆軟。上枱時已經倒入喼汁， 如果唔要喼汁嘅朋友記得早啲出聲。其他點心嘅質素，正正常常，冇乜驚喜，亦冇乜唔好。