Oasis Bar & Grill (已結業)

旺區想找個舒適寧靜可閒談的地方，依間唔錯。餐廳環境寬敞，光線柔和帶點浪漫頗有情調，這裡美食確實俾到驚喜，約會選啱地方就贏了大半。而且價錢合理，和對的人食得愉快夫复何求～卡邦尼三重芝焗椰菜花 $78朋友點的原以為好普通，但見到好有驚喜，芝士多到呢，相信芝士控一定會鍾意。椰菜花原個切半焗到淋身，鐵鑊仔盛載保持足夠熱度，溝左卡邦尼汁煙肉碎唔會好咸相當美味，啖啖濃郁芝士邪惡又好食，入口creamy，值得推介。黑松露大啡菇芝士意大利飯 $198第一次食到咁濃郁黑松露味的意大利飯，而且煮法正宗，米粒柔軟中間帶點米心口感不失嚼勁，飯中菇菌不少，口感味道同樣滿分。西班牙油炸鬼配朱古力醬及雲呢拿雪糕 $88油條酥脆唔油膩，少少硬拎上手食比較方便，熱辣辣醮埋朱古力醬和雲呢拿雪糕，冷熱交融相當美味。The Oasis $148雀仔杯形的雞尾酒份外吸睛，紫色來自蝶豆花色。成份有伏特加、荔枝、玫瑰糖、柑橘、喜馬拉雅山粉紅岩鹽。飲落酸酸甜甜，細細啖飲好有荔枝味，口感清新。