影片
更多
2023-05-13
915 瀏覽
小店由印度廚師們主理，每位廚師行過見到食客都好笑容，熱情地打招呼，令人感覺輕鬆舒服。店面細小，只有大概20-24座位，枱之間連接緊密，坐起來狹窄。食物方面 - 附送小食印度脆餅︰每位食客都有一卷好似墨西哥Nachos 嘅小食，偏薄身，唔硬而且脆口。上面灑滿鹽巴、黑椒，有種辛辣感，偏咸。燒烤拼盤 - 每次去到不同印度餐廳必點，只要基本傳統菜式Tikka 煮得好，對其他食物都較有信心。熱鐵板捧上餐枱，肉汁仍然滋滋地燒住，感覺好似小時候去西式扒房。Chicken Tikka︰用酸奶醃漬過加咖哩汁燒烤，四大件雞胸啖啖肉，食落嫩滑唔柴口。香料帶點微辣，調汁基底其實做得唔錯但偏咸，落鹽份量重手了。食完會口渴，同時鹽太多已經蓋過部份咖哩香。Tandoori chicken︰選用雞腿肉就算經燒過一樣嫩滑，汁底同Chicken Tikka差不多，只係香料味無咁重，而且咸度較正常。Fish Tikka︰濃郁咖哩味！唔咸偏淡，可以突出咖哩粉香料。比較辛辣，一時唔為意就會搶到喉嚨，嗜辣朋友不妨一試。Lamb sheek kebab︰羊肉串肉質鬆軟，香濃酥味，係高質素嘅羊酥，絕對無酥臭！食材係用心挑選，可惜調味
店面細小，只有大概20-24座位，枱之間連接緊密，坐起來狹窄。
食物方面 - 附送小食印度脆餅︰
每位食客都有一卷好似墨西哥Nachos 嘅小食，偏薄身，唔硬而且脆口。上面灑滿鹽巴、黑椒，有種辛辣感，偏咸。
印度脆餅
9 瀏覽
0 讚好
0 留言
燒烤拼盤 - 每次去到不同印度餐廳必點，只要基本傳統菜式Tikka 煮得好，對其他食物都較有信心。
熱鐵板捧上餐枱，肉汁仍然滋滋地燒住，感覺好似小時候去西式扒房。
Chicken Tikka︰
用酸奶醃漬過加咖哩汁燒烤，四大件雞胸啖啖肉，食落嫩滑唔柴口。香料帶點微辣，調汁基底其實做得唔錯但偏咸，落鹽份量重手了。食完會口渴，同時鹽太多已經蓋過部份咖哩香。
Tandoori chicken︰
選用雞腿肉就算經燒過一樣嫩滑，汁底同Chicken Tikka差不多，只係香料味無咁重，而且咸度較正常。
Fish Tikka︰
濃郁咖哩味！唔咸偏淡，可以突出咖哩粉香料。比較辛辣，一時唔為意就會搶到喉嚨，嗜辣朋友不妨一試。
Lamb sheek kebab︰
羊肉串肉質鬆軟，香濃酥味，係高質素嘅羊酥，絕對無酥臭！食材係用心挑選，可惜調味真係十分咸，咸到唔想食晒成串。
燒烤拼盤
$198
9 瀏覽
0 讚好
0 留言
印度炭爐烤鯧魚︰
同燒烤拼盤一樣，熱鐵板捧上餐枱。鯧魚比想像中細條扁身，肉質嫩滑，魚骨、魚皮焦脆，口感豐富。但肉量唔多，同朋友分享各半條就未夠滿足。
印度炭爐烤鯧魚
$138
14 瀏覽
0 讚好
0 留言
香料炒椰菜花薯仔︰
薯仔煮到又綿又粉，椰菜花炒得爽口。但依碟蔬菜真係10個咸，咸到食咗兩粒薯仔已經頂唔順，大半碟都無食到。
香料炒椰菜花薯仔
$78
12 瀏覽
0 讚好
0 留言
原味烤餅及香甜奶油烤餅︰
原味烤餅熱辣辣，麵粉香加上剛烘熱出爐嘅感覺好滿足，澱粉人會鍾意依種充實質感。
烤餅
$20
5 瀏覽
0 讚好
0 留言
奶油烤餅係女店員推薦，鬆軟、一層層一絲絲嘅酥餅好傳統。奶油味唔重，其實食落比較普通。
香甜奶油烤餅
$22
16 瀏覽
0 讚好
0 留言
總結︰
經過附近，又想試新嘢，不妨一食。但如果特地嚟或者翻桌，就不了。
張貼
