巨一麵堂 (已結業)

叉燒味噌湯麵叉燒鹽味湯麵煎餃子喺另一位老饕多番推薦下，我終於嚟左呢到食。一入門就係一位日本歐巴桑招呼，由於唔知佢講唔講中文，我地都係用左日文落單。麵嘅種類算多，一望落去想食嘅都有幾碗，但一切由由基本開始，所以試味噌。呢間嘅味噌唔似札幌no.1 咁，要我用女仔型容嘅話，札幌係溫柔文靜，呢間就係剛強主動。味道鮮明，一入口嘅味蕾衝擊係幾remarkable。叉燒亦做得好好，大塊得嚟重係入口即化。另一碗同行叫嘅，湯底清而濃，香濃魚介湯襯托出麵質，麵身入口出奇地滑，會令人食唔停。最後就係個煎餃喇！餃子本身冇咩特別，但印象深刻嘅係醬汁，佢係自動加左辣油入餃子醬油嘅，呢一樣係我幾欣賞嘅，因為店家有信心，佢想我地食到嘅味道係exactly 佢地設計出嚟，呢樣嘢唔係好多店做到。