影片
更多
2021-08-06
14 瀏覽
朋友話呢間嘅shake shake海鮮用嘅醬汁好特別，係餐廳獨創好有馬來西亞特色既辣汁，所以我心思思都想試吓。😋唔講唔知原來餐廳做緊個優惠，就係二人同行嗌主食就送一份麻辣小龍蝦，感覺上好抵食！👍🏻我哋叫咗二人份量嘅海鮮搖盤，入邊包含咗五款海鮮加配料，海鮮方面有鮑魚、蜆、大蝦、扇貝、螺，而配料方面就有份量唔少嘅粟米同埋腸仔，不得不提腸仔非常好食，絕對唔會比海鮮失色，海鮮用特色醬汁攪勻後非常之入味，有好香嘅牛油同埋蒜香味，帶出咗海鮮嘅鮮甜。🤩我哋仲叫咗一份脆豬手，一上枱已經切好晒，唔使好論盡咁樣自己切開，非常貼心，豬手皮脆卜卜，豬手肉亦唔會太鹹同埋太乾。🤓本身以為送嘅麻辣小龍蝦份量會好少，點知一上枱都有10隻以上嘅小龍蝦，麻辣汁香香麻麻咁非常惹味，下次就算冇得送都會再想嗌。🤪嗜酒嘅朋友叫咗一杯long island，配埋海鮮同豬手都真係食得好滿足！🥳
唔講唔知原來餐廳做緊個優惠，就係二人同行嗌主食就送一份麻辣小龍蝦，感覺上好抵食！👍🏻
我哋叫咗二人份量嘅海鮮搖盤，入邊包含咗五款海鮮加配料，海鮮方面有鮑魚、蜆、大蝦、扇貝、螺，而配料方面就有份量唔少嘅粟米同埋腸仔，不得不提腸仔非常好食，絕對唔會比海鮮失色，海鮮用特色醬汁攪勻後非常之入味，有好香嘅牛油同埋蒜香味，帶出咗海鮮嘅鮮甜。🤩
我哋仲叫咗一份脆豬手，一上枱已經切好晒，唔使好論盡咁樣自己切開，非常貼心，豬手皮脆卜卜，豬手肉亦唔會太鹹同埋太乾。🤓
本身以為送嘅麻辣小龍蝦份量會好少，點知一上枱都有10隻以上嘅小龍蝦，麻辣汁香香麻麻咁非常惹味，下次就算冇得送都會再想嗌。🤪
嗜酒嘅朋友叫咗一杯long island，配埋海鮮同豬手都真係食得好滿足！🥳
張貼
