影片
更多
2020-11-08
483 瀏覽
呢日係馬料水碼頭搭船去到離島塔門呼吸一下新鮮空氣，呢度除咗出名睇牛、露營之外，仲有海膽炒飯都吸引唔少人專登入嚟，係碼頭行入少少就有3間餐廳都有得食，我哋今日就揀咗最多人排隊既新惠和試下，因為限聚令關係，每張枱只可以坐2個人，所以都要有心理準備排超過半個鐘呀。海膽炒飯印象中好似冇乜食過熟咗嘅海膽，同新鮮海膽刺身係完全唔同味架！個炒飯炒得超級乾身，粒粒分明有咬口，入面夾雜好多海膽粒，雖然要成$110一碟，但份量都幾大，海膽粒甜甜地帶少許海鮮鮮味既aftertaste，又幾得意。蝦醬鮮魷炒烏冬呢度既麵可以揀河粉、米粉、烏冬或者蝦子麵，烏冬唔會炒到痴埋一pat，好乾爽，蝦醬味比較淡，要食多幾啖先食得出，主要以豉油味為主，鮮魷份量都唔少，好彈牙。薑汁無冰凍奶茶熱辣辣既天氣飲啲無冰既飲品就最爽，呢個奶茶好似講到好出名咁，不過飲落薑汁味唔係好飲得出，味道似純萃喝嘅奶茶。秘製鹹檸茶鹹鹹酸酸既咸檸茶消暑下火一流，鹹味突出，但都幾易入口。人均消費：$105推介指數（10分為滿分）：7分
海膽炒飯
印象中好似冇乜食過熟咗嘅海膽，同新鮮海膽刺身係完全唔同味架！個炒飯炒得超級乾身，粒粒分明有咬口，入面夾雜好多海膽粒，雖然要成$110一碟，但份量都幾大，海膽粒甜甜地帶少許海鮮鮮味既aftertaste，又幾得意。
蝦醬鮮魷炒烏冬
呢度既麵可以揀河粉、米粉、烏冬或者蝦子麵，烏冬唔會炒到痴埋一pat，好乾爽，蝦醬味比較淡，要食多幾啖先食得出，主要以豉油味為主，鮮魷份量都唔少，好彈牙。
薑汁無冰凍奶茶
熱辣辣既天氣飲啲無冰既飲品就最爽，呢個奶茶好似講到好出名咁，不過飲落薑汁味唔係好飲得出，味道似純萃喝嘅奶茶。
秘製鹹檸茶
鹹鹹酸酸既咸檸茶消暑下火一流，鹹味突出，但都幾易入口。
人均消費：$105
推介指數（10分為滿分）：7分
張貼
