119 Italio Restaurant & Bar (已搬遷) 新店位置

約咗朋友食飯，各有各忙都好耐無見面，佢話去太子食，問我有冇意見，佢出埋主意唔使我煩惱仲好，即刻問佢食乜，有咩好介紹。佢話呢間西餐性價比唔錯，D食物處理得幾好，環境又舒服，可以hea好耐，慢慢坐都唔會催客人走。我地去到都已經預備咗位置俾我地，坐低飲杯水就睇menu啦。主菜叫咗個肉眼牛扒，七成熟唔會太生，見到血水我朋友食唔到呀。肉質唔錯，表面煎得香脆，再叫個蜆肉墨汁意粉，意粉比較彈牙，呢樣已經得到一半分數，最怕食D腍patpat嘅意粉架啦。加個窩夫雪糕三文治share嚟食，窩夫焗到好脆，夾埋雪糕一齊食，又凍又熱嘅口感，份量十足，呢個甜品好好食。