影片
更多
2012-05-14
270 瀏覽
又係睇完戲，揾o野食醫肚。呢間慕名好耐啦！但未有機會嚟過，因為晚餐實在太貴啦！今日第一次去未開舖，後來折返。一入去，recep就問有無book 枱，我哋話無，佢話1pm 前一定要還枱；我個frd. 話盡量啦，佢堅持話係一定要！Well，因為想試好耐，都無計較，如果係其他餐廳，我肯定掉頭走！坐底好舒服、好和式，有和式坐位，可能啱啱開舖未有太多人，除咗我哋，只有一枱三人。 睇完menu，價錢真係唔平$2xx - 3xx for lunch only (around 10 options you can choose)，我同友人最終揀咗三式魚生飯（三文魚、海膽、中toro），後來寸咀待應走過嚟話師傳今日有條唔知咩o既tuna，問我哋轉唔轉，我哋轉咗其中一個，可以交換試下痳~~~個飯嚟到已經勁開心，係用木桐裝的，好別緻！一睇就知係有心機之作，呢D就係日本人值得讚o既地方！凍豆腐：普通啦！我唔好呢個蒸蛋：好香好滑，亦都無出水，唔係出面迴轉個D可以比主角 - 魚生飯：真係好食到無朋友！完完全全係高水準之作！三文魚好新鮮，又香，又豐腴，有三文魚味（HK好多得三文魚樣，無三文魚味）！海膽好新鮮，又甜，
一入去，recep就問有無book 枱，我哋話無，佢話1pm 前一定要還枱；我個frd. 話盡量啦，佢堅持話係一定要！Well，因為想試好耐，都無計較，如果係其他餐廳，我肯定掉頭走！
坐底好舒服、好和式，有和式坐位，可能啱啱開舖未有太多人，除咗我哋，只有一枱三人。
睇完menu，價錢真係唔平$2xx - 3xx for lunch only (around 10 options you can choose)，我同友人最終揀咗三式魚生飯（三文魚、海膽、中toro），後來寸咀待應走過嚟話師傳今日有條唔知咩o既tuna，問我哋轉唔轉，我哋轉咗其中一個，可以交換試下痳~~~個飯嚟到已經勁開心，係用木桐裝的，好別緻！一睇就知係有心機之作，呢D就係日本人值得讚o既地方！
凍豆腐：普通啦！我唔好呢個
蒸蛋：好香好滑，亦都無出水，唔係出面迴轉個D可以比
主角 - 魚生飯：真係好食到無朋友！完完全全係高水準之作！三文魚好新鮮，又香，又豐腴，有三文魚味（HK好多得三文魚樣，無三文魚味）！
海膽好新鮮，又甜，真係可媲美係日本食的！
中toro 先係精髓，入口即溶，同我係東京築地食o既差不多，係HK從未食過！
至於介紹o既吞拿魚，都非常新鮮，呢個比較有咬勁，D肉會實D！（本人梗係喜歡中toro 多D啦！不過都慶幸可以一試，唔試唔知）
佢o既飯係有色飯，我都係第一次食！我覺得呢個飯個醋味會比平時重D
仲有不可不提的，係佢呢度o既wasabi 係鮮磨的！我平時係唔食wasabi 的，鮮磨o個重辛辣係香的！唔係似其他只會攻上腦！
題外話/補充資料：
走o既時候開始多人lu~~~唔book枱係完全唔駛諗！
主廚（bar枱後面個位）係日本人，佢都有同客人溝通，佢同坐係bar枱o既同鄉傾計，而同其他坐bar 枱o既客人，好多時需要寸咀待應做埋翻譯，難怪佢咁忙。
係呢度添水o既哥哥都係日本人，講"唔該"佢哋唔識聽o架！
呢度完全俾我身在日本的感覺，由環境到食材食物，係我係HK食過最高水準o既日本餐廳！
價錢雖然貴，但偶一為之已經好開心！
(以上食評乃用戶個人意見 , 並不代表OpenRice之觀點。)
張貼
