尚鮮海鮮料理 (已結業)

係朋友嘅介紹下，今晚去試咗呢一間高質嘅打邊爐，餐廳唔算好大，但係枱與枱之間嘅距離都好闊下，冇限時間，想同朋友聚舊傾計係一個唔錯嘅選擇，眼見有四張卡枱，每張卡枱嘅牆上都會有一部迷你嘅電視機添。今晚我哋叫咗個特別嘅燉湯做湯底，叫做川貝海底椰燉鱷魚排湯，一上個湯底，餐廳嘅職員會一人盛一碗湯俾我哋飲下個湯底先，一飲之下，嘩😳 ! 好甜好多材料，我差唔多食晒佢哋湯底入邊嘅材料，讚👍🏻，我叫咗一份二人海鮮尚盛，有生蠔有蟶子皇有大蝦等，特尚手切牛喺美國牛，好有牛味🤣 ，鮮打四寶丸，全部都係手打丸, 重點推介佢哋嘅鮮炸脆響鈴，好大份好厚身，口感一流，再跟埋一份叫做百花釀油炸鬼，好特別，今晚佢哋有生啤買一送一，仲要係沖繩啤酒添，所以我同朋友都每人飲咗一杯，全店職員服務態度個個都好好招呼，會時不時幫你換上另一隻新碟，會再返嚟幫襯呢😇